Sport

Pierre-Erick Aubameyang po zhvillon një sezon fantastik me Borussia Dortmund, por sulmuesi nuk dëshiron të ndalet me kaq.

26-vjeçari i ka idetë e qarta se çfarë kërkon të arrijë në të ardhmen dhe nuk e fsheh. Aubameyang pohoi se dëshiron të arrijë nivelin e Messit dhe Ronaldos dhe pse jo të bëhet lojtari më i mirë në Botë. Lojtari nga Gaboni theksoi se argjentinasi dhe portugezi në një ndeshje shënojnë 3 gola në tjetrën 4 dhe është pikërisht kjo forma që dëshiron të arrijë dhe ai.

Marco Verratti shuan zërat për të ardhmen e tij.

Në një intervistë për Canal Plus, italiani i Paris Saint Garmain sqaroi lajmet për një transferim të mundshëm te tij te Barcelona.

Mesfushori është një nga emrat e përfolur në shtëpinë e katalanasve për merkaton e Janarit, megjithatë Verratti nuk e sheh veten larg “Parc des Princes”. Ai tha se ndihet mirë në Paris dhe se nuk e mendon largimin. Përsa i përket lojtarit që e inspiron, 22-vjeçari deklaroi se është Andres Iniesta.

Situata e Shkëlzen Gashit tek Baseli nuk është shumë e mirë pasi trajneri Fischer pak po e aktivizon sulmuesin kuqezi e kjo ka zgjuar interesin e klubeve të tjera për shërbimet e tij.

Fussballinfos.ch shkruan se ka zëra për një kalim të Gashit tek klubi i Sionit pasi presidenti Kristian Konstantin është interesuar për golashënuesin e dy sezoneve të fundit në Superligën Zvicerane.

Gjithçka në lidhje me këtë tratativë mbetet në nivelin e zërave, por mundësitë që Gashi të lëvizë nga Bazeli janë të mëdha duke parë mënyrën se si po trajtohet tek Baseli.

Sion njihet si skuadër e pasur në Zvicër dhe është e gatshme t’i ofrojë pagë të njëjtë Gashit për ta zgjedhur atë.

Në rast transferimit në Sion, Gashi do të ketë mundësi të aktivizohet edhe në Ligën e Evropës me klubin zviceran.

Për futbollistin kosovar, një dritë jeshile ka ndezur FC Luzern, i cili dëshiron ta angazhojë Ajetin, në rast të largimit të sulmuesit, Dario Lezcano.

Albian Ajeti është një talent i madh i futbollit, por ai po ka vështirësi të gjejë veten te kampioni i Zvicrës, FC Basel. Përkundër të riut Breel Embolo i cili aktivizohet thuajse në çdo ndeshje, Ajeti në shumicën e rasteve është vetëm një zëvendësues.

Por siç raportojnë mediet zvicerane, sulmuesi 18 vjeçar gjatë afatit kalimtar dimëror mund të ndërrojë mjedis futbollistik. Për fu

tbollistin kosovar, një dritë jeshile ka ndezur FC Luzern, i cili dëshiron ta angazhojë Ajetin, në rast të largimit të sulmuesit, Dario Lezcano, përcjell “albinfo.ch”.

25 vjeçari nga Paraguai e ka si qëllim të kalojë në njërin nga klubet spanjolle për një klauzolë prej 3 milion frangash ndërsa si zëvendësim drejtuesit e klubit e imagjinojnë Albian Ajetin.

Ajeti, i cili është cak edhe i trajnerit të kombëtares shqiptare, Giani De Biazi, mund të kalojë edhe si huazim në Luzern në rast se vazhdon kontratën me Bazelin e cila i skadon në fund të këtij sezoni.

Mesfushori shqiptar, Granit Xhaka pas fitores kundër Hertha Berlinit në Bundesligë, është shprehur se tashmë janë duke menduar për ndeshjen e radhës kundër Juventusit.

Monchengladbachu e pret të martën Juventusin për të zhvilluar takimin kthyes në kuadër të Ligës së Kampionëve, transmeton Koha.net. Në ndeshjen e parë të zhvilluar në Itali nuk kishte pasur fitues.

“Çdo ndeshje fillon nga zero, dhe ne gjithmonë punojmë shumë. Tani jemi duke shikuar për ndeshjen e radhës kundër Juventusit në Ligën e Kampionëve. Për dallim nga ndeshja e sotme kundër Hertha Berlinit, Juve ka një kualitet krejtësisht tjetër, por nëse luajmë mirë dhe kemi më shumë guxim për të sulmuar, mund t’i shkaktojmë telashe edhe një klubi të madh si Juventusi”, ka thënë Xhaka për Bundesliga.de.

Xhaka sot ndihmoi skuadrën e tij me shënimin e një goli në fitoren e thellë prej 1-4, kundër Hertha Berlinit.

Ishte edicioni 1986/87 i ligës së parë federative të ish-Jugosllavisë. Prishtina do të luante ndeshjen e xhiros së 18-të, të parën për pjesën pranverore dhe kjo në Beograd kundër Cërvena Zvezdës, njërës prej katër ekipeve më të mëdha të asaj kohe.

Në ndeshjen e parë, të këtij edicioni, Prishtina ishte mposhtur nga Zvezda 1:0, para tifozëve të vet, shkruan sot Koha Ditore.

Disa ditë para ndeshjes në Beograd, trajneri njoftoi Shukri Paçaradën se do të jetë në portë ndaj Zvezdës. Atëbotë, Paçarada ishte vetëm 19-vjeçar dhe ende nuk kishte zhvilluar asnjë ndeshje zyrtare me ekipin e parë. Në të vërtetë, Vishnjevac e kishte marrë Paçaradën në fazën përgatitore dhe duket se aty kishte vërejtur talentin e madh të tij.

“Edhe sot kur më kujtohet ai moment, çuditem se si kam arritur deri aty. Por unë kam pasur vullnet të madh për punë dhe talent, kështu që të gjitha m’u shpaguan, natyrisht edhe pak me ndihmën e fatit”, kujton Paçarada.

Ai thotë se reagimet dhe presioni ishin shumë të mëdha, kështu që nuk ka mundur të bëjë asnjë sy gjumë për disa ditë para ndeshjes. Paçarada e kishte parasysh se Zvezda ishte një ekip i madh dhe me nam, kështu që barra për të do të ishte shumë e madhe.

“Në atë kohë Zvezda ishte ekip shumë i fortë dhe para ndeshjes jo që kisha vetëm presion, por edhe tremë. Kjo ishte një lojë që mund ta vendoste karrierën time. Tri ditë nuk kam mundur të fle”, kujton për gazetën Paçarada, që tash e shumë vjet jeton në Gjermani. “Kam mundur të humb shumë në atë ndeshje, por për fat të mirë fitova shumë, pasi prej asaj ndeshjeje mbeta portieri i parë i Prishtinës, me gjithë konkurrencën e fortë”.

Paçarada u paraqit në atë ndeshje dhe në fund u shpall lojtari i ndeshjes. Ai portën e Prishtinës e ruajti të paprekur, pasi ndeshja përfundoi pa fitues.

Kjo ishte një tjetër ndeshje e madhe e Prishtinës përballë Zvezdës në Beogard, pasi pak vjet më herët ekipi kosovar kishte triumfuar 3:1 në këtë vend dhe kundër të njëjtit rival… (Artikullin e plotë mund ta lexoni në numrin e sotëm të Kohës Ditore).

Kur kanë kaluar 13-të xhiro në elitën e futbollit kosovar, Istogu ndodhet në pozitën e fundit me vetëm tetë pikë të grumbulluara.

Istoguasit humbën në xhiron e 13-të nga Trepça ’89 në stadiumin ‘Shahin Haxhiislami’ në Pejë, me shifrat 2:0.

Trajneri i ‘troftave’, Genc Hoxha, tha se skuadra e tij nuk i shfrytëzoi disa raste derisa kërkon përforcime në afatin kalimtar të dimrit. “Në pjesën e parë luajtëm shumë mirë. Ligji i pashkruar kur nuk shënon, pëson vlejti edhe sot. Ne u ndëshkuam pasi nuk shënuam në dy raste të mira. Në janar duhet të reagojmë me përforcime”, ka thënë trajneri nga Gjakova, Genc Hoxha.

Skënderbeu mundi me vështirësi 2:0 Flamurtarin dhe rikthehet pas dy javësh te fitorja dhe përkohësisht në krye të Superligës.

Kampionët e Mirel Josës e dominuan lojën, por hasën në rezistencën e madhe të portierit Halilaj, i cili në fund nuk arriti të mbante të paprekur rrjetën e tij.

Përpjekjet e vazhdueshme të korçarëve u shpërblyen në fillimin e pjesës së dytë falë Hamdi Salihit, që shndërroi në gol 11-metërshin e fituar nga Berisha.

Flamurtari tentoi të reagonte, por lojtarët vlonjatë nuk patën forcën e duhur për të rrezikuar portën e Shehit. Në fund, Olayinka vulosi fitoren e 7-të të Skënderbeut në Superligë, pas u asistua nga Liridon Latifi, i cili i bëri ‘kahre’ tre futbollistë mysafirë për ta shërbyer më pas Olaynikën. Për Flamurtarin u aktivizuan kosovarët Yll Hoxha që luajti 90-minuta kurse Kushtrim Lushtaku hyir në lojë në pjesën e dytë. Mungoi për ekipin nga Vlora, Lorik Maxhuni.

Ndërkohë, Laçi i Armando Cungut barazoi 1:1 me Tërbunin, duke regjistruar ndeshjen e 4 radhazi pa fitore, ndërkohë që për pukianët kjo ishte pika e parë pas 6 humbjeve rresht.

Golin për Laçin e shënoi kosovari Argjend Mustafa, ndërsa atë për Tërbunin e shënoi në fundin e pjesës së parë Dhrahmi. Kjo ishte dhe pika e parë që Tërbuni merr në Superligë në fushën e vet.

I është rikthyer më në fund fitores edhe Bylisi, i cili mundi 3:1 Vllazninë. Ballshiotët fituan përballë një rivali direkt falë golave të Muçajt, Pepës dhe Hyshmerit, duke iu larguar fundit të klasifikimit. Portieri nga Kosova, Kushtrim Mushica si dhe mbrojtësi Ahmet Haliti ishin titullarë për Bylisin kurse për Vllazninë, nuk luajtën kosovarët Adnan Haxhaj, Berat Ahmeti e Kreshnik Lushtaku.

Ndeshja e luajtur në stadiumin e Merdarit ka përfunduar me rezultat pozitiv për ekipin llapjan.

Ndeshja ndërmjet ekipit të KF “Llapi” dhe KF “Vushtrria” ka përfunduar me rezultat 1 me 0 për ekipin llapjan. Goli i shënuar nga Alban Mavriqi në minutën e 89’ u solli tri pikë të vlefshme llapjanëve.

Me këtë fitore KF “Llapi” ka arritur kuotën 20 të pikëve duke qëndruar fuqishëm në vendin e katërt të ranglistës së Raiffeisen Superligës së Kosovës.

Rezultati përfundimtar KF “Llapi” 1:0 KF “Vushtrria”./Llapi.info

Impenjimet e ardhshme të kombëtares janë në mesin e Nëntorit dhe ndërkohë trajneri Gianni De Biasi bën “sponsorin” e kuqezinjve që militojnë në futbollin italian.

Në një intervistë për prestigjiozen “Corriere Dello Sport”, trajneri i Shqipërisë preku dhe një temë që po diskutohet shumë këto ditë atë të zgjedhjes së futbollistëve me origjinë shqiptare që janë rritur jashtë vendit mes kombëtares kuqezi dhe perfaqësueseve të vendeve ku jetojnë duke evidentuar si një ndër celësat e suksesit të Shqipërisë, pikërisht këtë aspekt.

De Biasi deklaroi: “Paolo Tramezzaini punon me mua dhe i bie rreth e përqark Europës në kërkim të lojtarëve shqiptarë. Puna më e vështirë ishte ajo për të bindur futbollistët që luajnë jashtë për të luajtur me kombëtaren dhe sot është rritur edhe imazhi apo joshja që ofron Kombëtarja Shqiptare në këtë drejtim”.

Më pas trajneri u ndal vecanërisht te Etrit Berisha që pavarësisht formës së shkëlqyer të Lazio shikon të preferohet Marcheti si portieri i parë në kampionat.

“Etriti paguan faktin që është i dyti pas Marchetit, – deklaroi De Biasi duke shtuar, – sidoqoftë kjo situatë te Lazio do ta ndihmojë të formohet akoma më tepër. Ai ka shumë instikt dhe cilësi natyrale, pasi kurrë nuk ka bërë një shkollë të vërtetë portierësh. Po përmirësohet dhe shpresoj shumë që të ketë më shumë vazhdimësi duke luajtur, pasi të gjithë e dimë se kjo do të ishte dicka e mirë, si për ne te Shqipëria, ashtu dhe për Lazion”.

De Biasi më pas e cilësoi Elsid Hysajn një lider të vërtetë, duke evidentuar se shkodrani po konfirmon gjithë vlerat e tij te Napoli, ku edhe falë tij Sarri ka tashmë një mbrojtje të hekurt, ndërsa Për Ledian Memushajn u shpreh se nuk e kupton se si një futbollist me cilësitë e tij nuk luan në Serinë A, duke ftuar klubet e kategorisë maksimale të futbollit italian të besojnë te mesfushori vlonjat. Në lidhje me Rey Manajn, De Biasi përsëriti se cështja e krijuar me sulmuesin e Interit ishte një keqkuptim, duke nënvizuar se Manaj ka personalitet dhe cilësi mjaft të mira, ndaj i duhet të rritet gradualisht.