Category: Lajmet

Ish-deputeti Nait Hasani ka bërë thirrje publike për bashkim të spektrit politik brenda Partisë Demokratike të Kosovës, duke kërkuar nga kryetari i kësaj partie, Bedri Hamza, që të ndërmarrë hapin për pranimin e shkrirjes së subjektit të udhëhequr nga Fatmir Limaj në PDK.

Në një postim në facebook, Hasani thekson se Kosova ka nevojë urgjente për unitet politik, ndërsa sipas tij, përgjegjësia për drejtimin e këtij procesi bie mbi kryetarin e PDK-së, shkruan IndeksOnline.

“Ne frymen e Unitetit dhe te bashkimit te forcave per fitore ne zgjedhjet e 28 dhjetorit, kerkoj nga Kryetari i PDK zoti Bedri Hamza te perdor autoritetin dhe pergjegjesit politike te tij si kryetar dhe kryesia e PDK-se te miratoj, qe ne gjiun e saj te pranoj shlkrirjen e Fatmir Limajt si pjese te saj.
Bashkimin dhe shkrijen e kerkon koha e rrethanat politike te kohes neper te cilen po kalon Kosova. Bashkimin dhe unitetin e forcave te copezuara te PDK-se sot po e kerkojne ushtaret, qytetaret, simpatizantet dhe elektorati politik i PDK-se”, ka shkruar Hasani.

Sipas Hasanit, rrethanat politike në vend kërkojnë bashkimin e forcave brenda spektrit të djathtë, ndërsa ai thekson se kjo është kërkesë e qytetarëve, ushtarëve të luftës dhe elektoratit të PDK-së.

Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve, sulmeve seksuale e dhunimeve. Këto raste bëhen edhe më të tmerrshme kur viktima janë vajzat e mitura, nën moshën 18-vjeçare, raporton Gazeta Sinjali.

Një rast i tillë është raportuar dje në Malishevë, ku një vajzë e mitur ka deklaruar se është dhunuar nga një person që dyshohet se është po ashtu i mitur, ndërsa më pas video-incizimet e aktit janë shpërndarë në rrjete sociale.

Ngjarja ka ndodhur para rreth pesë muajsh në rrugën “Ibrahim Mazreku”, ndërsa rasti është paraqitur më 05 dhjetor 2025.

Sipas informacioneve nga strukturat e afërta me hetimin, viktima R.H., rreth 16-vjeçare, në prani të Punëtorit Social të QPS-së, ka deklaruar se kishte qenë në lidhje me të dyshuarin, të cilin e njeh vetëm me emër dhe nuk është e sigurt për identitetin e plotë të tij.

Vajza e mitur ka treguar se gjatë kohës sa kishte pasur kontakt me të, i dyshuari kishte kryer marrëdhënie me të dhe kishte realizuar video-incizime të aktit. Para disa ditësh, këto incizime dyshohet se janë shpërndarë në rrjetet sociale nga i njëjti.

Prokurori kujdestar për të mitur është njoftuar menjëherë dhe ka urdhëruar të iniciohet rasti “Dhunim”. Ndërkohë, Njësia e Hetimeve Rajonale është angazhuar në identifikimin e personit të dyshuar dhe në mbledhjen e provave lidhur me videot dhe gjithë rrethanat e ngjarjes.

Hetimet po vazhdojnë.

Një person i cili po hetohej lidhur me një rast vrasjeje ka ndërruar jetë në Qendrën Klinike Universitare të Kosovës gjatë orëve të para të mëngjesit së 5 dhjetorit 2025.

Prokuroria ka nisur hetimet për të sqaruar rrethanat e plota të rastit.

Policia ka njoftuar se viktima ka ndërruar jetë rreth orës 04:30 në Emergjencën e QKUK-së.

“QKUK, Prishtinë  05.12.2025 – 04:10. Raportohet se në QKUK ka ndërruar jetë viktima mashkull kosovar. Me vendim të prokurorit, trupi i pajetë është dërguar në IML për obduksion”, thuhet në raportin 24-orësh të policisë.

Burimet e IndeksOnline kanë pohuar se bëhet fjalë për 45-vjeçari Meriton Ramadani, nga fshati Miradi i Poshtëm.

Ai ishte dërguar në Emergjencë mbrëmjen e 4 dhjetorit, rreth orës 23:00, pas përkeqësimit të gjendjes së tij shëndetësore.

Njësia e arrestimeve ka ekzekutuar dje një urdhëresë tjetër gjyqësore, duke ndaluar një person që kërkohej për vuajtjen e dënimit me burgim.

Sipas burimeve të besueshme, ngjarja është regjistruar më 05 dhjetor 2025, rreth orës 12:20, në një fshat të Podujevës, ku policia ka lokalizuar dhe arrestuar një të ri rreth 22-vjeçar.

I njëjti ishte i dënuar me 1 vit burgim nga Gjykata Themelore në Prishtinë – Dega Podujevë, dënim të cilin nuk e kishte vuajtur më parë.

Pas arrestimit, ai është dërguar në Qendrën e Paraburgimit në Hajvali për fillimin e vuajtjes së dënimit.

Veprimet procedurale janë finalizuar nga njësia kompetente, ndërsa procedurat e mëtejshme po vazhdojnë sipas ligjit.

Një ngjarje e rëndë ka ndodhur këtë mbrëmje në Elbasan, ku ka mbetur i vrarë biznesmeni Edmond Mëhalla.

Sipas informacioneve paraprake, ai është qëlluar pranë një karburanti, që dyshohet se ishte i tij, ndërkohë që ndodhej brenda në makinë.

Ministria e Punëve të Jashtme dhe Diasporës ka njoftuar se në orët e para të mëngjesit, autoritetet serbe kanë arrestuar Nexhat Pirevën, ish-pjesëtar të Policisë së Kosovës për 14 vjet, në pikën kufitare të Dheut të Bardhë.

Pireva, shtetas i Kosovës nga Kamenica, po udhëtonte drejt Bujanocit me bashkëshorten dhe fëmijët e tij. Pas një interpelimi që zgjati rreth katër orë, ai u lirohet dhe momentalisht është në liri, konfirmon Ministria e Punëve të Jashtme dhe Diasporës.

Në një reagim të saj, Ministria ka dënuar veprimet e autoriteteve serbe, duke i cilësuar ato si keqtrajtime ndaj shtetasve të Kosovës dhe si shkelje të marrëveshjeve të nënshkruara mes dy shteteve.

Për më tepër, Ministria ka apeluar që qytetarët e Kosovës të shmangin kalimin përmes territorit të Serbisë deri në informacione të mëtejshme, për të garantuar sigurinë e tyre.

Një person kishte tentuar te vriste të fëjuarën e tij, gjatë ditës së djeshme në Fushë Kosovë.

Viktima ishte dërguar për t’u operuar në QKUK, për shkak të gjendjes së rëndë.

Rreth gjendjes së saj, detaje për Klankosova.tv ka dhënë drejtori i Emergjencës Naser Syla.

Syla tha se ajo është në gjendje stabile dhe tani është duke u trajtuar në Mjekim Intensiv Qendror.

“Pacientja në Mjekim Intensiv Qendror ndodhet në gjendje stabile. Mbrëmë është trajtuar në Qendren Emergjente, ku ekipet kujdestare të Anestezionit dhe Kirurgjisë Abdominale kanë kryer intervenimin në sallat operative. Pas trajtimit fillestar, ai është dërguar në MIQ për kujdes dhe trajtim të mëtejshëm”, deklaroi ai për Klankosova.tv.