Poezi nga Shqiptar Oseku.
kur dikush të kërkon bukë
ndaje koren e fundit me të bija ime
më mirë të jeni bashkë pak të uritur
se të ngopesh vetëm
kur dikush ta lyp një pikë ujë në orë zori
shpije te pusi i oborrit nën man
ka vite që është prerë ajo pemë e vjetër
por hija i bën ende fllad
kur dikush ta fyen njerëzillëkun bija ime
prishi krejt urat digji tërë anijet
mos ji kurrë as grua as nënë as bijë e askujt
po s’qe së pari njeri.
Nënkryetarja e Komunës së Podujevës, Marigona Lahu, bashkë me drejtorin për Kulturë, Rini dhe Sport, Pajtim Balaj dhe me përfaqësuesen e organizatës “NGO Lady” Sanije Murati, kanë marrë pjesë në hapjen e panairit të produkteve artizanale e cila po mbahet në kuadër të festivalit “Ditët e Diasporës” në qytetin e Podujevës.
Panairi me produkte artizanale të grave zgjat dy ditë nga ora 10:00 deri në ora 19:00, në sheshin e qytetit. Panairi artizanal ka për qëllim promovimin e produkteve të grave të vyera llapjane, ku po prezantohen me ushqime tradionale, punë dore si dhe suvenire të ndryshme.
Panairi artizanal organizohet nga Drejtoria për Kulturë, Rini dhe Sport dhe OJQ “NGO Lady” dhe është edicioni i tretë i këtij formati të panairit që po mbahet në Podujevë, ku edhe po synohet që të bëhet tradicional në komunën tonë.
Në kuadër të festivalit “Ditët e Diasporës” sot në Komunën e Podujevës është hapur panairi i librit në të cilën po marrin pjesë shtëpi botuese të ndryshme, transmeton Llapi.info.
Në hapje të panairit mori pjesë nënkryetarja e Komunës, Marigona Lahu, drejtori i drejtorisë së Kulturës, Rinisë dhe Sportit, Pajtim Balaj dhe dashamirë të librit.
Nënkryetarja Lahu, u shpreh e lumtur për mbajtjen e panairit duke theksuar që komuna do të vazhdojë përkrahjen ndaj ngjarjeve të tilla dhe duke i bërë gjithmonë më madhështore, njëherit përgëzoi edhe organizatorin, shkrimtarin Fatmir Halimi nga shoqata “Prokult”.
Ndërsa drejtori i DKRS-së, Pajtim Balaj inkurajon të gjithë dashamirët e librit të vizitojnë panairin sepse librat nuk kanë kuptim pa atë që i dedikohen, njeriun.
Panairi do të jetë i hapur nga 26 deri më 29 korrik, nga ora 12:00 deri në 21:00 në sheshin e qytetit.
/llapi.info/
Ka nisur sot ndërtimi i Qendrës Multifunksionale në Podujevë, projekt ky i cili kap shifrat e një milion eurove, shkruan Llapi.info.
Gurthemeli është vendosur sot, ku prezent ka qenë edhe kryeministri i Kosovës, Albin Kurti, kryetrari i Podujevës, Shpejtim Bulliqi, Ministri i Kulturës, Rinisë dhe Sportit, Hajrulla Ceku dhe zyrtarë tjerë komunalë.
Kjo qendër ka nisur të ndërtohet tek ish-tregu i gjelbër në Podujevë.
Në një prononcim për media, kryetari i komunës së Podujevës, Shpejtim Bulliqi, duke falënderuar Qeverinë Kurti për këtë projekt, ka thënë se komuna e Podujevës ka ndarë 100 mijë euro, kurse pjesa tjetër është mbuluar nga Ministria e Kulturës, Rinisë dhe Sportit.
Vitin e kaluar, Ministri i Kulturës, Rinisë dhe Sportit, Hajrulla Ceku, pati publikuar pamjet se do të duket kjo qendër.
Më poshtë projekti;
Një i ri nga Podujeva ka gjetur një mënyrë për t’i ndihmuar fëmijët jetimë në Kosovë.
Bëhet fjalë për 17-vjeçarin, Leon Gashi.
Ai ka treguar për ATV se ka vendosur që pikturat e tij t’i vendos në shitje, me qëllim për bamirësi.
Të gjitha të hollat e mbledhura, Gashi ka vendosur t’i dorëzoj tek organizata “Islamic Relief Kosova”.
Për më shumë, video:
Në Teatrin “Avdush Hasani” para qindra pjesëmarrësve u bë promovimi i librit “Krimet serbe në trevën e Llapit” nga autori llapjan Arsim Thaçi.
Historitë e paraqitura në këtë libër janë rrëfime të vuajtjeve të popullatës civile dhe pasqyrojnë krimet që janë kryer në trevën e Llapit gjatë periudhës së luftës.
Në këtë ngjarje autori i librit Arsim Thaçi foli për kronologjinë e ngjarjeve të asaj kohe për krimet serbe ndaj popullatës së Llapit, e cila ishte e përndjekur nga vatrat e tyre e gjatë kësaj kohe ishin zhvilluar edhe shumë krime monstruoze ndaj popullatës së pafajshme nga paramilitarët serbë.
Në promovimin e këtij libri folën historianë dhe krijues letrarë duke e vlerësuar si shumë të rëndësishëm këtë libër që dokumenton të kaluarën e trevës së Llapit dhe shumë i nevojshëm për gjeneratat e reja për tu njohur më shumë me vuajtjet e popullit tonë që ka përjetuar veçaanrisht në luftën e fundit.
Poashtu pjesëmarrës në promovimin e librit ishin edhe drejtori për Kulturë, Rini dhe Sport Pajtim Balaj, deputetët llapjanë Vendenis Lahu dhe Fitim Haziri, profesorë e mysafirë të tjerë. Për promovimin e këtij libri autori është mbështetur financiarisht nga Drejtoria për Kulturë, Rini dhe Sport.
Në mesin e 137 fotografitë që u bënë pjesë të listës së National Geographic “Fotografitë e vitit 2022” janë edhe dy nga Kosova.
Fotografia e parë është një makinë Lada e mbyllur në një “kuti” xhami si një memorial i heronjve të Ushtrisë Çlirimtare të Kosovës. Me atë makinë udhëtonin Zahir Pajaziti, Edmond Hoxha dhe Hakif Zejnullahu kur iu zu pritë dhe u vranë.
Më 31 janar të vitit 1997, rreth orës 14:30 në Pestovë të Vushtrisë, në një pritë të organizuar nga forcat policore serbe u vranë Zahir Pajaziti, Edmond Hoxha dhe Hakif Zejnullahu.
Tre strategët ishin duke udhëtuar nga Prishtina në drejtim të Vushtrrisë dhe vrasja e tyre bëri jehonë në të gjithë botën, jo vetëm në Kosovë.
Ajo çka nuk dihet akoma është se kush i tradhtoi 3 ushtarët dhe shpeshherë janë hedhur edhe dyshime për një dekonspirim të mundshëm nga vetë shokët e ushtarëve.
Më 31 janar 2008, në 11-vjetorin e rënies, presidenti i Kosovës, Fatmir Sejdiu i akordoi Zahir Pajazitit dekoratën më të lartë shtetërore të Kosovës, Urdhrin Hero i Kosovës.
Pajaziti ishte njëri nga bashkëkrijuesit e Ushtrisë Çlirimtare të Kosovës.
Ndërsa fotografia tjetër tregon një muzikant që përgatitet për shfaqjen inauguruese të Operës së Kosovës në Pallatin e Rinisë dhe Sporteve.
Drejtoria për Kulturë, Rini dhe Sport ka filluar me restaurimin dhe konzervimin e objekteve me vlera të trashëgimisë kulturore, ndër to është edhe objekti i shkollës së vjetër “Ali Ajeti” në fshatin Sfeçël. Fillimin e punimeve në këtë objekt e ka përcjellur nga afër drejtori i kësaj drejtorie, Pajtim Balaj, njofton kumtesa komunale, transmeton Llapi.info.
Në kuadër të planit për restaurimin e objekteve me vlera të trashëgimisë kulturore, synohet që të ruhet origjinaliteti dhe të funksionalizohen hapësirat e tyre, me qëllim të shfrytëzimit nga komuniteti.
Restaurimi i objektit të shkollës së vjetër në fshatin Sfeçël përfshinë: ndërrimin e pullazeve, rregullimin e ollukëve, ndërrimin e dyerve dhe dritareve dhe gëlqerosjen e mureve.
Drejtori Balaj njoftoi se DKRS do të vazhdojë me investime të tjera në mbrojtjen dhe restaurimin e objekteve me vlera të trashëgimisë kulturore./Llapi.info
Ka ndërruar jetë rapsodi i njohur në trevën e Llapit, Qazim Batllava, shkruan Llapi.info.
Njoftimin mortor e kanë bërë të ditur këngëtarë e artistë të ndryshëm kosovarë.
“Sot më 31.10.2022 ndërroi jetë axha im Qazim Batllava”, thuhet në postim.
Ndryshe, tashmë i ndjeri është varrosur sot në ora 16:00 në fshatin Batllavë./Llapi.info
Kreu i Komunës së Podujevës, Shpejtim Bulliqi, ka bërë të ditur se sot është bërë zbulimi i bustit të Demë Ahmetit në fshatin Reçicë, shkruan Llapi.info.
Nëpërmjet një postimi në rrejtin social Facebook, Bulliqi thotë se në këtë ceremoni kanë marrë pjesë veprimtarë të çështjes kombëtare, zyrtarë komunalë dhe qytetarë të tjerë.
Postimi i tij i plotë:
Gjatë ditës bashkë me veprimtarë të çështjes kombëtare, kolegë të partive politike dhe qytetarë kemi marrë pjesë në zbulimin e bustit të Demë Ahmetit në fshatin Reqicë.
Populli ynë në secilën epokë kohore ka prodhuar trima e luftëtarë që kanë rezistuar dhe iu kanë kundërvy armikut në forma të ndryshme, i tillë ishte Demë Ahmeti.
Andaj, sot pata kënaqësinë e veçantë të marrë pjesë në zbulimin e bustit të tij dhe të shpreh falënderimin ndaj organizatorit për ftesën dhe iniciativën.