Category: Shëndetësi

Ministri i Shëndetësisë, Uran Ismaili nënshkroi sot Udhëzimin Administrativ për rregullimin e çmimit të produkteve medicinale.

Më këtë udhëzim përcaktohet dhe rregullohet çmimi i produkteve medicinale për shitje me shumicë dhe pakicë në sektorin privat nga subjektet e licencuara, produkteve medicinale nga Lista e Barnave Esenciale, dhe produkteve medicinale nga Lista e Barnave të Rimbursueshme nga Fondi i Sigurimit Shëndetësor.

Pas nënshkrimit Udhëzimit Administrativ që ulë çmimet e barnave në Kosovë, ministri Ismaili tha se kjo ka qenë një kërkesë 20 vjeçare e qytetarëve dhe farmacistëve.

“Çmime të njëjta për barna të njëjta në çdo barnatore dhe barna më të lira në tërë Kosovën, për të realizuar një kërkesë 20 vjeçare të qytetarëve dhe farmacistëve. Jam shumë krenar që sot, për herë të parë në Kosovë, po nënshkruajmë Udhëzimin Administrativ që rregullon dhe unifikon çmimin e barnave”, tha ministri Ismaili.

Ismaili tha se në mungesë të këtij dokumenti, shteti ka blerë mbi 6 milionë euro më shtrenjtë barna spitalore brenda vitit, ndërsa qytetarët kanë shpenzuar nëpër barnatore rreth 10 milionë euro më shumë për barna në vit.

“Ky udhëzim shënon një prej reformave më të mëdha në shëndetësinë kosovare. Duke hapur një faqe të re për shtetin dhe qytetarët, ne do të vazhdojmë të jemi në ballë të përgjegjësive tona publike, me qytetarin në qendër të secilës politikë”, tha ministri Ismaili.

E kryetari i Kuvendit të Kosovës, Kadri Veseli, këtë të arritur e quajti historike.

“Nuk ka gjë më të mirë se t’u gjendesh afër njerëzve në nevojë. Me vet faktin se ajo çfarë tha ministri, se mbi 10 milionë euro bashkëqytetarët tanë paguajnë për barna, kjo është një e arritur e cila mund të konsiderohet edhe historike, bashkërisht e të gjithëve, jo vetëm e ministrit, por edhe e juve të nderuar farmacistë. Kjo është një dëshmi se mund të bëjmë gjëra të mira kur jemi të vendosur, e kemi qëllimin të pastër dhe dimë si ta bëjmë këtë”, tha kryetari Veseli.

Arianit Jakupi, kryetar i Odës së Farmacistëve të Kosovës, në emër të farmacistëve falënderoj ministrin Ismaili për vizionin dhe guximin që të merret me sfida të cilat për 20 vite nuk kanë arritur të adresohen. “Këtë e dëshmon edhe ky draft udhëzim administrativ për çmime që daton nga viti 2003 nën administratën e UNMIK-ut, e cili asnjëherë nuk e pa dritën e diellit”, tha Arianit Jakupi.

Përfaqësuesi i Shoqatës për mbrojtjen e të drejtave të pacientëve (PRAK), Muhamedali Kodra, tha se kjo është një reformë e mirëfilltë dhe shumë e nevojshme për qytetarët e Kosovës. Duke folur për rëndësinë e tij, ai përgëzoi vendosmërinë e ministrit Ismaili për ta hartuar këtë dokument.

Përmes këtij udhëzimi pamundësohet shitja e produkteve me çmime më të larta për barnat që i siguron Ministria dhe gjithashtu shitja në tregun Kosovar e barnave me çmime më të larta se sa vlera reale e tyre edhe në tregjet e rajonit.

Udhëzimi do të ndihmojë në unifikimim e çmimit të barnave në farmacitë private, me ç’rast për barin e njëjtë, qytetarët do të paguajnë çmim të njëjtë në çdo barnaotore dhe jo çmime të ndryshme për produkte të njëjta.

Sëmundjet kardiovaskulare, që prekin zemrën dhe enët e gjakut, vazhdojnë të konsiderohen ndër shkaktarët e parë të vdekjeve në botë. Kjo sëmundje edhe në Kosovë vitin e kaluar ka qenë shkaktarja më e madh e vdekjeve.

Në raportin e Klinikës së Kardiokirurgjisë me Kardiologji Invazive, që e ka publikuar Ministria e Shëndetësisë, del se në Kardiokirurgji janë kryer rreth 100 operacione gjatë vitit 2018, ku prej tyre kanë vdekur 28 pacientë.

E dyta vjen Neurokirurgjia, e që kjo klinikë brenda Qendrës Klinike Universitare është e vetmja në Kosovë, e cila ofron shërbime të specializuara për intervenime në tru dhe kurriz.

Përqindja e vdekshmërisë në këtë repart spitalor është 12.66 për qind, ndërsa e treta është Nefrologjia me 10.98 për qind.

Adem Grbolar, kardiokirurg, i tha Radios Evropa e Lirë, se shifrat e publikuara nga Ministria e Shëndetësisë nuk janë as përafërsisht reale. Sipas tij vdekshmëria në këtë Klinikë është shumë më e vogël.

Ai thotë se rastet urgjente, ku vdekshmëria në gjithë botën është shumë e lartë, në Klinikën Kardiokirurgjike brenda Qendrës Klinike Universitare të Kosovës, arrin në rreth 10 për qind, derisa për rastet jo-urgjente, vdekshmëria është rreth 5 për qind.

“Shifrat nuk janë reale. Ne në Kardiokirurgji kur kemi filluar para një vit e gjysmë me stafin e ri, kemi pasur 100 operacione dhe asnjë vdekje. Prej fillimit deri tash nuk kemi dërguar asnjë pacient jashtë vendit, duke i përkrahur gjithë pacientët dhe duke i trajtuar. Po habitem me këto shifra të publikuara. Te ne po punohet 24 orë dhe po bëhet një punë e madhe, ndonëse nuk e bëjmë publike punën, ta promovojmë ose diçka të tillë. Por, e di se është një sukses i madh prej fillimit të funksionimit 24 orë. Përqindja e vdekshmërisë te rastet me rrezikshmëri të madhe, pra rastet urgjente, vdekshmëria te ne është diku rreth 10 për qind. Ka raste kur në botë shkon edhe deri në 40 për qind”, tha Grbolar.

Të plotë mund ta lexoni në Radio Evropa e Lirë

Ministri i Shëndetësisë, Uran Ismaili, ka marrë pjesë sot në simpoziumin e parë të Shoqatës për sëmundje të rralla në Kosovë.

Gjatë këtij simpoziumi, ministri Uran Ismaili tha se duke ditur peshën dhe barrën e madhe financiare që kanë për pacientin dhe familjet e tyre, sëmundjet e ralla meritojnë një trajtim më serioz institucional se që ka pasur deri më tani.

“Ministria e Shëndetësisë tashmë ka nisur hapat konkretë për zgjidhjen e problemit të tyre përmes mbulimit financiar dhe krijimit të kushteve për trajtim dinjitoz shëndetësor”, tha Ismaili.

Më tutje, ministri tregoi se Ministria e Shëndetësisë më 2018 ka ngritur Grupin e punës për hartimin e Koncept Dokumentit për Sëmundjet e rralla, duke synuar gjetjen e rrugës më të mirë dhe më pragmatike, për të adresuar nevojat e këtij grupi të ndjeshëm të popullatës.

“Pas aprovimit të koncept dokumentit nga Qeveria, Ministria e Shëndetësisë do të vazhdojë menjëherë me grupin e punës për hartimin e planit të veprimit për institucionalizimin e përkujdesjes shëndetësore të pacientëve me sëmundje të rralla”, tha ministri Ismaili.

Pjesë e këtij plani të veprimi do të jetë plotësim-ndryshimi i Ligjit për shëndetësi, konkretisht përfshirja e dispozitave ligjore për rregullimin e fushës së Sëmundje të rralla në Kosovë, e që tashmë është afër përfundimit, themelimi i Qendrës së veçantë për Sëmundjet e Rralla, në kudër të shërbimit shëndetësor publik terciar dhe emërimi i një koordinatori nga MSh për Sëmundje të rralla për krijimin e komunikimit institucional dhe bashkëpunimit me Qendrat në shtetet te BE-së, etj.

Pas kërkesave për financim për medikamentet primare në proceset e rregullat buxhetore vjetore – për vitin 2019 është siguruar financimi i medikamentit primar (imiglucerase) për Sëmundjen Gaucher prej mbi një milion Euro nga Ministria e Financave.

Mamia 53-vjeçare nga Kaçaniku, Teuta Isufi-Dogani së bashku me koleget e saj, ka një vit që ecin më gjatë se pesë kilometra në ditë që t’i vizitojnë fëmijët deri në moshën trevjeçare dhe nënat e reja nëpër shtëpitë e tyre, në kuadër të projektit të vizitave shtëpiake mjekësore të nisur nga Ministria e Shëndetësisë.

Deri në afërsi të fshatit, ato dërgohen me transport nga shoferi i Qendrës Kryesore të Mjekësisë Familjare në Kaçanik, kurse pjesën tjetër pastaj ato ecin në këmbë nëpër rrugët e fshatrave, për shkak se shumica prej tyre, janë kryesisht në zona malore.

Qëllimi i këtyre vizitave sipas infermiereve, është që të kujdesen për shëndetin e fëmijëve dhe nënave të tyre. Mamia Teuta Isufi-Dogani, tha për Radion Evropa e Lirë, se brenda muajit kryejnë rreth 100 vizita në familje të ndryshme.

“Ne e kemi ditur që do të na presin këto sfida. E njohim edhe terrenin, se terreni është edhe kodrinor-malor. Një pjesë e rrugës u takon atyre për të na sjellë në fshat (me veturë), pjesën tjetër ne e kalojmë vetë, në këmbë. Ecim edhe më shumë se 5 kilometra. Nuk janë vetëm 5 kilometra, edhe më shumë. Është vështirë, nuk është edhe lehtë, ballafaqohemi me shumë vështirësi. Ndonjëherë është moti i lig, bie shi ose frynë shumë ose është edhe borë edhe ngrirë, por megjithatë, ia keni arritur qëllimit t’i kryejmë”, tha ajo.

Në kuadër të vizitave, mamia Teuta dhe infermierja Adriana Lika, vizituan një nënë dhe fëmijën e saj 3-muajsh në fshatin Gajre, që është disa kilometra larg Kaçanikut. Infermierja Adriana Lika tha se vizitat nëpër shtëpi, kanë rezultuar të suksesshme.

“Sot jemi në fshatin Gajre. Ishim për vizitë te familja Shahini. Nëna e foshnjës ishte shumë e kënaqur me vizitat tona edhe ishte e informuar mirë rreth gji-dhënies, rreth vaksinimit të foshnjës si dhe kontrollet te pediatri i kishte kryer me rregull. Për ne është një kënaqësi shumë e madhe kur i shohim rezultatet e vizitave tona”, tha infermierja Lika.

Ndërkaq, Afërdita Shahini, e cila para disa muajsh ka sjellë në jetë vajzën e saj, tha se vizitat nga infermieret i kanë ndihmuar shumë.

“E rëndësishme është shumë, normal se të ndihmon ajo edhe është shumë mirë kur vijnë edhe të vizitojnë edhe të këshillojnë. Për mua është mirë dhe mendoj që për të gjitha familjet ku ka nevojë të shkohet për të këshilluar për fëmijët dhe nënat, është shumë mirë”, tha Afërdita Shahini.

Zyrtarë të Ministrisë së Shëndetësisë, thonë se gjatë vitit të kaluar janë kryer 15 mijë vizita nëpër shtëpi nëpër komuna të ndryshme të Kosovës.

Albatrit Matoshi, këshilltar i ministrit të Shëndetësisë, tha për Radion Evropa e Lirë se këto vizita shtëpiake mjekësore, aktualisht kryhet në 16 komuna të Kosovës. Projekti për vizitat shtëpiake mjekësore sipas Matoshit, kishte filluar për të ndihmuar fëmijët dhe nënat e reja.

“Në veçanti nënat e reja apo edhe nënat në vendet, në komunat më të varfra janë ekspozuar ndaj sëmundjeve të ndryshme, ndaj rritjes së fëmijës në mënyrë cilësore. Duke e parë suksesin që e ka pasur, është duke u përkrahur dhe duke u zgjeruar në tërë territorin e Kosovës”, tha Matoshi.

Vizitat shtëpiake mjekësore janë duke u realizuar nga Ministria e Shëndetësisë me përkrahje të Zyrës së UNICEF-it dhe me fondet e Qeverisë së Luksemburgut. /rel/

Me greva të shumta janë karakterizuar muajt e fundit të vitit që lëmë pas. Sektorët e ndryshëm në Kosovë përmes grevave shprehën pakënaqësitë e tyre për çështje të ndryshme.

Institucionet shëndetësore ishin një nga grupet që kanë mbajtur grevë e përmes së cilave kërkohej plotësimi i kushteve nga reparte të ndryshme të Qendrës Klinike Universitare.

Edhe në muajin e pesë të vitit 2019, pritet të organizohet një grevë e ngjashme me ato që janë organizuar deri më tani, shkruan Indeksonline.

Këtë herë nga punëtorët e Klinikës së Radiologjisë.

Ata përmes një shkrese drejtuar ministrit të Shëndetësisë, Uran Ismaili, drejtorit të Shërbimit Spitalor dhe Universitar, Basri Sejdiu e akterëve të tjerë, punëtorët e kësaj klinike kërkojnë plotësimin e kushteve elementare për kryerjen e punës.

Rregullimi i kabineteve dhe pajisja e tyre me mjete mbrojtëse, rregullimi i ventilimit në kabinetet ku punohet ne rreze jonizuese, ofrimi i kushteve për mbajtjen e shërbimit të kujdestarisë janë vetëm disa nga kërkesat e punëtorëve të Klinikës së Radiologjisë.

Në rast se kërkesat e tyre nuk merren parasysh, siç thuhet se është bërë deri më tani, këta punëtorë paralajmërojnë grevë.

Ata i kanë dhënë ultimatum institucioneve përgjegjëse deri në fund të kësaj jave për të marrë masa.

“Kërkesat tona kanë të bëjnë me kushtet dhe menaxhimin jo korrekt të punës në Klinikë, të cilat njëkohësisht janë të obliguara me ligj dhe obligative për vet stafin menaxherial. Do të thotë mosrealizimi dhe injorimi i këtyre kërkesave është shkelje ligjore, për të cilat do të duhej të ketë konsekuenca ligjore. Nëse kërkesat nuk hasin në mirëkuptim dhe injorohen (siç janë injoruar deri tani) deri më datën 24. 05. 2019, ne jemi të detyruar që të futemi në grevë, duke ndërprerë procesin e punës ndërsa përgjegjësia për të gjitha pasojat, do të bie mbi ata të cilët janë të obliguar që kërkesat tona ti konsiderojnë si zbatim ligji do të thotë deri tash ata janë shkelës të ligjit”, thuhet ndër të tjera në shkresën e punëtorëve të Klinikës së Radiologjisë,

Lindjet në Kosovë viteve të fundit, janë zbehur dukshëm. Sipas të dhënave në vend, në vitet e fundit ka një rënie të natalitetit të popullit të Kosovës.

Sipas Ministrisë së Shëndetësisë, në vitet e para të pasluftës, nataliteti apo shtimi i popullsisë në Kosovë, ka qenë afro 40%.

Kjo shifër, vit pas viti, ka vazhduar me rënie graduale. Në vitet 2001-2005, ka pasur afro 166 mijë foshnje të lindura ndërsa gjatë periudhës 2006-2011, rreth 164 mijë foshnje kanë lindur në spitalet e Kosovës.

Në vitet 2012-2016, nataliteti i popullatës kosovare është rritur për afro 130 mijë foshnje. Duke parë këto shifra, konstatojmë se rënia e natalitetit ka prekur shifrën 16%.

Ministria e Shëndetësisë ka thënë për Insajderin se pjesa dërrmuese e lindjeve gjatë vitit 2016 janë kryer në spitalet publike ndërsa vetëm 489 lindje në spitale private.

Ata gjithashtu kanë treguar se mosha mesatare e nënave që lindin është 25 deri në 34 vjeç ndërsa gjinia më dominante e foshnjave është ajo mashkullore ku sipas raportit gjini-lindje, në 1000 femra të lindura, ka 1096 meshkuj.

Ndërkohë që për vitin 2017-2018, ministria ka thënë se akoma nuk janë përpiluar të dhënat

Përmes një komunikate për media, AKK ka bërë të ditur se lejon Ministrinë e Shëndetësisë që të bëjë unifikim dhe përcaktimin e çmimeve të barnave në nivel të vendit.

Në njoftimin drejtuar emdiave thuhet se Autoriteti Kosovar i Konkurrencës është lejuar për herë të parë për rregullimin e cmimit të produkteve dhe pajisjeve medicinale.

Kjo sipas AKK-së, ka ndodhur pas marrjes së evidencave empirike dhe ato praktike nga shtetet anëtare të Bashkimit Evropian rreth përcaktimit të çmimit të barnave në nivel të shitjes me shumicë dhe pakicë, gjithashtu duke e analizuar gjendjen faktike në Kosovë të tregut farmaceutik si nevojë e domosdoshme për të vendosur rend dhe mbikqyrje rigoroze të këtij tregu, duke e konsideruar si të drejtë kushtetuese shëndetin publik të qytetarëve të Republikës së Kosovës, si dhe duke e klasifikuar këtë draft U.A si interes i përgjithëshem publik.\

Autoriteti ka njoftuar se kanë dalë edhe me disa konkludime.

Komisioni i Autoritetit Kosovar të Konkurrencës mbështet draftin e Udhëzimit Administrativ për përcaktimin e çmimeve të produkteve dhe pajisjeve medicinale i cili synon një përmirësim të dukshëm në krahasim me “status quo-n” ekzistuese në këtë sektor.

Draft – Udhëzimi Administrativ për rregullimin e çmimeve për produkte dhe paisje medicinale do të bëj përcaktimin e tavaneve, unifikimin, si dhe rregullimin e çmimeve të produkteve dhe paisjeve medicinale.

Komisioni i Autoriteti Kosovar të Konkurrencës, konsideron se në princip fiksimi i çmimeve është në kundërshtim me Ligjin për Mbrojtjen e Konkurrencës Nr. 03/L-229 si dhe nenet 101 dhe 106 të TFEU-së, nëse aplikohet nga ndërmarrjet dhe/ose nga qeveria/parlamenti nëpërmjet legjislacionit. Përjashtim nga zbatimi i rregullave të konkurrencës i jepet shërbimeve të interesit publik gjë që është e përshtatshme për qellimin e këtij Draft – Udhëzimi Administrativ.

Rregullimi në sektorin farmaceutik përmes Udhëzimit Administrativ mund të ndikoj në konkurrencën që zhvillohet në treg. Në parim, dispozitat përkatëse mund të justifikohen nga këndvështrimi i qëllimeve të mbrojtjes shëndetësore (p.sh. sigurimi i një furnizimi të sigurt dhe me cilësi të lartë të produkteve medicinale në të gjithë Republiken e Kosovës). Megjithatë, kjo mund të justifikojë vetëm rregulloret/Udhëzimet e tilla që i shërbejnë këtij objektivi në mënyrë adekuate dhe në mënyrë proporcionale.

Megjithatë ky Udhëzim Administrative ka nevojë për disa permiresime duke i marrë parasyesh praktikat më të mira Evropiane andaj, Autoriteti Kosovar i Konkurrencës i rekomandon Ministrisë së Shëndetësisë që t’i merr në konsideratë këto praktika:

Bazuar në praktikat më të mira Euvropiane vendosja e çmimeve fikse në produktet medicinale të cilat nuk kanë nevoj për përshkrim të mjekut, nuk duhet të fiksohen (të ashtuquajtura OTC),

Ministria e Shëndetësisë duhet të aplikoj mekanizmat “Claë-Back”, atëhere kur çmimet e medikamenteve të rimbursueshme ulën.

Qendra Klinike Universitare e Kosovës do ta zgjidhë shumë shpejt çështjen e parkingut për personelin dhe vizitorët e pacientëve, që frekuentojnë ambientet e saj. Punimet për parkingun e ri, i cili po shtrihet në pjesën jugore të oborrit të QKUK-së, pas Klinikës së Ortopedisë, pritet të përfundojnë brenda pak javësh.

Parkingu i ri parashihet të  ketë rreth 400 vendparkingje, tollovitë e krijuara për vite me radhë brenda ambienteve të QKUK-së do të marrin fund.

Si rezultat i menaxhimit efikas, te hyrat nga laurat( hyrjet) në QKUK janë rritur për 400%, duke i dhënë mundësinë për më shumë investime në infrastrukturë, me qëllim të krijimit të kushteve më të mira për pacientët dhe stafin shëndetësor.