Pas pushimit dyjavësh, Llapi sot i shkon Flamurtarit në Prishtinë në javën e 16-të në Ipko Superligë, njofton Llapi.info
Llapi kërkon fitoren në këtë ndeshje e cila zhvillohet sot në stadiumin “Xhemail Ibishi” në Prishtinë me fillim nga ora 13:30.
Llapjanët në këtë sfidë vijnë pas fitores në shtëpi ndaj kampiones Drita, ndërsa Flamurtari ishte mposhtur si mysafir i Lirisë.
Në ndeshjen e parë të zhvilluar në stadiumin e qytetit “Zahir Pajaziti” në Podujevë, mes këtyre dy skuadrave kishte përfunduar me rezultat të barabartë 0-0.
Llapi tani gjendet në pozitën e tretë me 29 pikë të tubuara, derisa Flamurtari radhitet në pozitën e gjashtë me 22 sosh./Llapi.info
