Irani do ta mbajë të hapur përgjithmonë Ngushticën e Hormuzit, ka deklaruar Donald Trump në postimin e tij të fundit në Truth Social.
“Irani ka pranuar që kurrë më të mos e mbyllë Ngushticën e Hormuzit”, ka shkruar presidenti amerikan, duke vijuar një seri postimesh në rrjetin e tij social.
“Ajo nuk do të përdoret më si armë kundër botës!”, ka shtuar ai.
Dy orë më parë, ministri i Jashtëm i Iranit, Abbas Araghchi, kishte deklaruar se Ngushtica e Hormuzit është “plotësisht e hapur” për “periudhën e mbetur të armëpushimit”.
Megjithatë, nuk është e qartë se për cilin armëpushim bëhet fjalë dhe çfarë do të ndodhë pas përfundimit të kësaj periudhe.
