Sipas Institutit Hidrometeorologjik të Kosovës, fushat me presion të lartë atmosferik, mbi vlerat e normales që ishin prezent gjatë ditëve të fundit janë duke u dobësuar në mënyrë rapide duke krijuar kushte për vranësira, reshje shiu dhe ulje të temperaturave për 8-10 gradë Celsius.
Kështu, si rezultat, thuhet më tej, të shtunën priten reshje shiu të cilat vende-vende do të vazhdojnë edhe ditën e diel me intensitet më të dobët.
“Temperaturat minimale do të lëvizin ndërmjet 0 deri 5 gradë Celsius, ndërsa maksimalet e ditës parashihet të lëvizin ndërmjet 9-13 gradë Celsius. Do të fryjë erë kryesisht nga veriperëndimi me shpejtësi deri 13m/s”, thuhet në njoftimin e IHMK-së.
