Kandidati i Lëvizjes Vetëvendosje për kryetar të Podujevës, Ajet Potera, ka votuar në qendrën e tij të votimit në shkollën fillore “Naim Frashëri” në Podujevë, raporton Llapi.info.
“Me besimin që ky proces i votimit të shkojë pa probleme dhe me besimin në vullnetin e qytetarëve për ndryshim, votova në shkollën fillore ‘Naim Frashëri’. Ftoj të gjithë qytetarët e Podujevës ta shfrytëzojnë të drejtën e votës duke marrë pjesë masovikisht në votim”, ka thënë Potera.
