Ish-ambasadori i Kosovës në Suedi, Lulzim Peci, njëherit drejtor i Institutit KIPRED, ka thënë se kapitulli i përkrahjes dhe partneritetit të vendeve kyçe të Perëndimit me vendin tonë tanimë pothuajse është mbyllur.
Peci ka thënë se po vjen koha “e izolimit e bankrotimit të Kosovës”.
“Po më duket se nuk jemi të vetëdijshëm për seriozitetin e situatës në të cilën gjendemi. Fjalët dhe argumentet nuk bëjnë punë! Kapitulli i përkrahjes dhe partneritetit të vendeve kyçe të Perëndimit me vendin tonë tanimë pothuajse është mbyllur! Mirupafshim në Kosovën e izoluar dhe të bankrotuar! Fundi i fundit, qysh e lypshim e gjetshim!” – ka shkruar Peci.
Të mërkurën, “Euronews Albania” ka thënë se ka siguruar një dokument amerikan ku renditen sanksionet ndaj Kosovës nëse kryeministri Albin Kurti nuk u bindet SHBA-së dhe BE-së në kërkesat e fundit.
