Raportuesja e Parlamentit Evropian për Kosovën, Viola von Cramon, e ka quajtur absurd vendimin e fundit të presidentit të Kosovës, Hashim Thaçi, për krijimin e një qeverie të re në kohën kur Kosova po përballet me pandeminë COVID-19.
“Po bëhet më absurd çdo ditë Hashim Thaçi. Jam pa fjalë. Pyes veten se si mund të përfundojë kjo. Pse presidenti po e vë në rrezik vendin e tij?”, ka shkruar Von Cramon në Twitter.
Sot në një takim, pas deklarimeve të partive parlamentare në takimin konsultativ me presidentin Hashim Thaçi, ky i fundit mbajti një fjalim, ku deklaroi se mandatin për formimin e Qeverisë do të ia jap atij koalicioni që e krijon shumicën për krijimin e Qeverisë.
