Shefi i diplomacisë serbe, Ivica Daçiq ka thënë se Shtetet e Bashkuara të Amerikës nuk kërkojnë të hyjnë në dialogun midis Prishtinës dhe Beogradit dhe se nuk ka iniciativa formale për të ndryshuar formatin e dialogut.
“Nuk e kam fjalën për deklaratat e përditshme për zgjerimin e formateve që vijnë nga pala e Prishtinës. Kjo është shprehja e pakënaqësisë që kanë me Federica Mogherinin. Nga ana tjetër, SHBA-të nuk kërkojnë të hyjnë në dialog. Ndryshimi i formatit në këtë moment nuk është temë që po diskutohet, “tha ai, transmeton Klan Kosova.
