Jeffrey Epstein la pas një pasuri prej rreth 580 milionë dollarësh kur vdiq në vitin 2019, një kapital që sipas ekspertëve i dha ndikim të madh në qarqet elitare.
Epstein e nisi karrierën si mësues në Nju Jork, përpara se të hynte në botën e financave me punësimin në bankën Bear Stearns. Më vonë themeloi firmën e tij, J. Epstein & Co, duke ofruar shërbime këshillimore për klientë shumë të pasur.
Ndër klientët kryesorë përmenden miliarderi Les Wexner dhe bashkëthemeluesi i Apollo Global Management, Leon Black. Ai përfitoi qindra miliona dollarë nga menaxhimi i pasurive dhe përdorimi i strukturave offshore në juridiksione me taksa të ulëta.
Megjithatë, mënyra e krijimit të kësaj pasurie ka qenë subjekt dyshimesh dhe polemikash, me ekspertë që kanë ngritur pikëpyetje mbi ligjshmërinë dhe transparencën e aktiviteteve të tij financiare.
