Konsumimi i drogës është një dukuri që po lulëzon në të gjitha qytetet dhe po prek në veçanti të rinjtë, duke e dëmtuar shëndetin e tyre dhe cenuar sigurinë e qytetarëve.
Një rast i tillë është zbuluar edhe mbrëmë në rrugën “Ali Ajeti” në Podujevë, ku gjatë patrullimit në një pikë kontrolli, Policia ka ndaluar një veturë, nën dyshimet për gjësende të kundërligjshme.
Gjatë kontrollimit të veturës dhe të të dyshuarit 34-vjeçar, zyrtarët policorë kanë sekuestruar një sasi e dyshuar narkotike e llojit marihuanë, që u gjet te freni i dorës në veturë.
Burimet e Sinjalit kanë bërë të ditur se Prokurori i Shtetit ka urdhëruar që ndaj të dyshuarit të iniciohet rasti për posedim të paautorizuar të narkotikëve
