Britania e Madhe do të kërkojë që Rusia të suspendohet nga Interpoli, ka thënë në Parlament në Britani, sekretarja e shtetit në Ministrinë e Brendshme të Britanisë, Priti Patel, raporton CNN.
“Qeveria e Ukrainës ka kërkuar sot që Qeveria e Rusisë të suspendohet nga anëtarësimi në Interpol dhe ne do të çojmë gjitha angazhimet ndërkombëtare që kjo të ndodhë”, tha Patel.
Interpoli është agjenci botërore që lehtëson punën e policisë në 195 vende të saj anëtare, duke bashkëpunuar në hetimet penale.
