Ka reaguar menjëherë pas arrestimeve që po kryhen në disa lokacione në Kosovë për dyshime me keqpërdorime në subvencione, ministrja e Drejtësisë Albulena Haxhiu.
Ajo përmes një statusi në Facebook ka thënë se “Zyrtarët që kanë abuzuar me detyrën e tyre zyrtare dhe janë pasuruar kundërligjshëm e në kurriz të qytetarëve, do të japin përgjegjësi”.
Tutje Haxhiu ka përgëzuar institucionet e vendit për reagimet e tyre të shpejtë.
Postimi i plotë:
Zyrtarët që kanë abuzuar me detyrën e tyre zyrtare dhe janë pasuruar kundërligjshëm e në kurriz të qytetarëve, do të japin përgjegjësi.
Përgëzoj institucionet për punën lidhur me rastin e keqpërdorimeve me subvencione. Abuzuesit herët apo vonë do të dalin para drejtësisë!
Shteti i së drejtës nuk ka alternativë!
