Fitim Haziri, është nominuar nga Lëvizja Vetëvendosje, si kandidat i kësaj partie për deputet të Kuvendit të Kosovës.
Haziri, aktualisht është shef i asambleistëve të VV-së në Podujevë dhe në garën e 6 tetorit mban numrin 94 në listë.
Ai është doktor me profesion dhe gëzon respekt të madh në rajonin e Llapit.
Në njoftimin e tij për kandidaturën për ulëse në Kuvendin e Kosovës, Fitim Haziri, u zotua se do të punojë me tërë potencialin e tij kundër krimit të organizuar, korrupsionit dhe të gjitha dukutive negative në Kosovë.
Haziri ka shtuar se do të punoj pa ndërprerë për një sistem të drejtë e të pavarur gjyqësor, shëndetësi të dinjitetshme, ekonomi të zhvilluar dhe për një arsim cilësor që është themeli i të gjitha zhvillimeve të tjera pozitive.
Në fund, ai ka thënë se të gjitha këto janë të mundshme me Albin Kurtin kryeministër të Kosovës.
Postimi i tij i plotë
Të nderuar qytetarë,
Me knaqësi të veçantë ju njoftoj se Këshilli i Përgjithshëm i Lëvizjes Vetëvendosje më ka nominuar kandidat për deputet të Kuvendit të Republikës së Kosovës.
Këtë nominim para se gjithash e konsideroj përgjegjësi, pastaj nderë dhe privilegj.
Duke ju falënderuar të gjithëve për përkrahjen e dhënë, betohem se gjithë potencialin tim intelektual e njerëzor do ta vë në shërbim të qytetarëve të Kosovës në përgjithësi, e të Podujevës në veçanti.
Do të jem në shërbim të përhershëm të luftës kundër dukurive negative, të cilat po na varfërojnë e po na e rrezikojnë ekzistencën e shtetit, si: krimi i organizuar, korrupsioni, nepotizmi, keqpërdorimi i resurseve publike, etj..
Do të punoj pa ndërprerë për një sistem të drejtë e të pavarur gjyqësor, shëndetësi të dinjitetshme, ekonomi të zhvilluar dhe për një arsim cilësor që është themeli i të gjitha zhvillimeve të tjera pozitive. Ne qytetarët e këtij vendi të mrekullueshëm meritojnë të jetojmë më mirë, dinjitetshëm dhe të barabartë me qytetarët e kombeve përparimtare të Europës dhe Botës.
Me Lëvizjen Vetëvendosje dhe me Albin Kurtin kryeministër kjo është e mundshme.
I juaji,
Fitim Haziri
