Si në barazimin 1-1 me Malin e Zi, ashtu edhe mbrëmë ndaj Bullgarisë, Milot Rashica e hapi llogarinë e golave për Përfaqësuesen e Kosovës.
‘Dardanët’ i mposhtën në Sofje kombëtaren bullgarë 2-3, me golat e anëtarit të Werder Bremenit, Vedat Muriqit dhe Elbasan Rashanit.
Me këtë rast, skuadra gjermane e ka uruar Milot Rashicën për golin e shënuar, mirëpo edhe për asistimin në golin e fitores së Kosovë ndaj Bullgarisë.
“Shënoi golin e parë dhe regjistroi një asistim në golin e fitores. Milot Rashica është i pandalshëm”, ka shkruar Werder Bremeni në llogarinë e tyre në Twitter.
Kosova është në Grupin A të kualifikimeve për Kampionatin Evropian, gjersa gjendet në vendin e tretë me pesë pikë, një pas Anglisë dhe Republikës së Çekisë.
Përfaqësuesja jonë ndeshjen e radhës do ta luajë ndaj çekëve në muajin shtator, ndërsa deri më tani në grup ka një fitore dhe dy barazime.
