Një ngjarje e rëndë ka ndodhur mbrëmjen e së mërkurës në Washington D.C., ku disa punonjës të Ambasadës së Izraelit u vranë pranë Muzeut Hebraik të Kryeqytetit – vetëm pak hapa larg një zyre të FBI-së.
Sipas autoriteteve, një person i dyshuar për sulmin është arrestuar dhe ndodhet në paraburgim. Shefja e policisë së Washingtonit, Pamela Smith, deklaroi se i dyshuari u identifikua duke bërtitur “liri, Palestinë e lirë” pak para se të hapte zjarr ndaj një grupi prej katër personash.
Ambasadori izraelit në OKB, Danny Danon, e cilësoi incidentin si një “akt të çoroditur terrorizmi antisemit” dhe kërkoi veprim të vendosur nga autoritetet amerikane kundër autorit të sulmit.
Hetimet janë në fazat fillestare dhe ende nuk është përcaktuar një motiv zyrtar për të shtënat. Ngjarja ka shkaktuar reagime të shumta dhe tension të shtuar në opinionin publik dhe diplomatik.
