Tre vëllezër në fshatin Uglarë të Gjilanit janë rrahur mes vete.
Rasti ka ndodhur pardje, porse Policia në Gjilan dha detaje sot. Sipas raportit, dy vëllezër janë rrahur mes vete me mjete të mprehta derisa vëllai i tretë ka ndërhyrë për t’i ndarë.
“Nga hetimet e para mësohet se pas një mosmarrëveshje janë përleshur fizikisht mes vete dy të dyshuarit (vëllezër) shqiptarë shtetas të Kosovës. Në përleshje e sipër është goditur viktima (po ashtu vëlla i tyre) besohet aksidentalisht, me një mjetë të mprehtë, i cili në ato momente kishte hyrë në mesë dy vëllezërve me qëllim që t’i ndajë”, thuhet në raport.
Si pasojë e goditjes ai ka pësuar lëndime trupore në regjionin e shpinës, dhe është dërguar për tretman mjekësor në Qendrën emergjente në Gjilan.
“Dy të dyshuarit janë intervistuar nga hetues policorë në prani të avokatëve mbrojtës. Me vendim të Prokurorit të Shtetit të dyshuarit, janë ndaluar në qendrën e mbajtjes për 48 orë. Rasti është duke u hetuar”, përfundon raporti.
