Rivaliteti Cristiano Ronaldo – Lionel Messi u ringjall edhe një herë në rrjetet sociale pasi që Lionel Messi nuk arriti të kualifikohet në finale të Kupës së Amerikës me Argjentinën, pasi që humbi me rezultat 2:0 kundër Brazilit në gjysmëfinale.
Lionel Messi nuk arriti ta lërë shenjën e vet në ndeshjen e mbrëmshme pasi që Brazilit i mjaftuan golat e Gabriel Jesusit dhe Roberto Firminos për ta arritur finalen e Kupës së Amerikës. Momenti më i mirë për Messin ishte ai rreth minutës së 60-të kur goditja e argjentinasit u mbrojt nga shtylla, transmeton Gazeta Express.
Megjithatë, ndeshja nuk përfundoi pa incidente kontroverse pasi që gjyqtari nuk e përdori VAR-in për disa momente të dyshimta gjatë ndeshjes. Një penallti për Argjentinën, kur Sergio Aguero u sulmua pa top nga Dani Alves, nuk u akordua dhe incidenti as nuk u shikua nga VAR-i.
Në vend të penalltisë, Brazili e shfrytëzoi atë rrëmujë dhe e gjeti menjëherë golin e dytë, që ishte edhe goditja e fundit për Argjentinën. Tani, Brazili e pret përballjen mes Perusë dhe Kilit për ta kuptuar kundërshtarin në finale.
Pasi që pritja e Messit për trofeun e parë me Argjentinën vazhdon edhe më tutje, tifozët e Cristiano Ronaldos i shfrytëzuan llogaritë e tyre në rrjetin social Twitter për t’u tallur me yllin e Barcelonës.
Shumica e postimeve kishin të bëjnë me faktin se Ronaldo i ka fituar dy trofe të mëdhenj me Portugalinë – EURO 2016 dhe Ligën e Kombeve së fundi – ndërsa Messi është ende pa asnjë trofe në skenën ndërkombëtare.
“Kurrë mos e krahasoni G.O.AT tim (Greatest Of All Time – më i miri i të gjitha kohëve) me lojtarë të tjerë. Cristiano Ronaldo për Portugalinë 2:0 Lionel Messi për Argjentinën. GOAT im. Fundi. Më zgjoni kur Messi të ketë fituar trofe me Argjentinën dhe mund të fillojmë”, shkuan @Indianaldo.
“Si sillet Messi në ndeshjet e mëdha”, shkruan @MadridHub4Real
“Kurrë mos më thoni më se Messi është më i miri i të gjitha kohëve. U dominua nga Cristiano Ronaldo në Ligën e Kampionëve dhe futbollin ndërkombëtar, por ai mund të jetë më i miri i La Ligës nëse do. Me siguri është argëtuese t’i shënosh nga dy gola kundër Heuscas dhe Getafes në fundjavë”, shkruan @OKCTHUNDERAlex
“Lionel Messi duhet të largohet nga Argjentina. Gjenerata e Artë performoi nën nivelin e pritur sërish. Cristiano Ronaldo i fitoi dy trofe me lojtarë për të cilët ju harruat ku luajnë. Unë e di kush është GOAT-i im”, shkruan @high_on_manutd.
“Lionel Messi: Vetëm Cristiano Ronaldo mund ta kthejë lavdinë në ekipin kombëtar të Argjentinës”, shkruan @Kakarla07.
