Policia e Kosovës ka njoftuar se ka konfiskuar tri armë në Podujevë, një ditë pas të shtënave me armë në rrugën “Zahir Pajaziti”, raporton Llapi.info.

Sipas Policisë së Kosovës, dy persona janë shoqëruar në stacion policor.

Njoftimi i plotë dhe pamjet:

Sot nga zyrtarët policor të Podujevës, janë shoqëruar në stacion policor, dy persona dhe janë sekuestruar:

– tri armë zjarri,
-tre karikatorë dhe
– 35 fishekë

Sekuestrimi i armëve është bërë pas kontrollit të kryer me urdhër të prokurorit dhe Gjyqtarit të procedurës paraprake, të vendbanimit të personave të dyshuar, një ditë pas raportimit për të shtëna me armë (në ajër), në rrugën “Zahir Pajaziti” në Podujevë.

Ndaj personave të dyshuar janë iniciuar raste për përdorim të armës dhe mbajtje në pronësi, kontroll ose posedim të pa autorizuar të armëve.