Kryetari i Kamenicës, Qëndron Kastrati, është përballur me një revoltë të fortë të qytetarëve të komunës së tij, të cilët po kundërshtojnë synimet e tij për reforma në arsim.
Në një diskutim publik të organizuar në fshatin Hodonoc të Kamenicës, Kastrati nuk ishte lejuar fare që t’ia nis fjalimit të tij, duke i fishkëllyer nga qytetarët.
Në disa pamje të reja të publikuara nga ai incident, duket se situata ishte afër të përshkallëzohej edhe në konflikt fizik mes një banori i cili i afrohet i nervozuar kryetarit të Komunës, Qëndron Kastrati.
Kastrati në këtë tubim, ishte nisur për të treguar se do të mbyllte shkollën, si pjesë e reformave të tij në arsim.
Përveç që nuk u lejua të flas, pas daljes nga tubimi, makina e tij ishte goditur me vezë nga qytetarët e pakënaqur.
