Rekord të zi ka shënuar SHBA-ja të marten, pasi 1 mijë e 736 persona, si asnjë herë më parë, humbën jetën prej COVID-19.
Tashmë numri i përgjithshëm i viktimave nga koronavirusi në SHBA ka shkuar në 12 mijë e 722, teksa të infektuarit kanë kapur 400 mijë.
Në një konferencë për shtyp presidenti Donald Trump mendoi se ky është piku i vdekjeve dhe të infektuarve për SHBA. Ndërkohë vetëm Nju Jorku, që është tashmë pika e nxehtë jo vetëm e SHBA por dhe e botës, shënoi 731 viktima.
Gjithsesi kjo shifër pritet të rritet pasi disa shtete në SHBA nuk kanë përditësuar ende të dhënat/BW.
