Zëvendësministri i Jashtëm rus, Alexander Grushko, ka deklaruar se Rusia do të insistojë që Ukraina të çmontojë dhe shkatërrojë të gjitha armët e furnizuara nga Perëndimi si pjesë e çdo marrëveshjeje armëpushimi.
Në një intervistë për gazetën shtetërore Izvestia, Grushko tha se:
“Të gjitha këto teprica duhet të shkatërrohen. Të gjitha algoritmet ndërkombëtare janë të njohura. Ato duhet të reduktohen, të asgjësohen dhe të garantohen.”
Këto kërkesa përputhen me atë që Rusia ka paraqitur në “memorandumin e paqes” gjatë negociatave të fundit në Stamboll më 2 qershor, ku Ukraina kërkohet të njohë aneksimin e Krimesë dhe katër rajoneve të pushtuara nga Rusia si dhe tërheqjen dhe çmobilizimin e plotë të forcave ukrainase.
Grushko gjithashtu paralajmëroi se ndihma ushtarake perëndimore për Ukrainën paraqet kërcënim jo vetëm për Rusinë, por edhe për Evropën, duke theksuar rrezikun që armët të përfundojnë në tregjet e zeza.
