Zyrtarisht është dhënë kontrata për zgjerimin e rrugës nacionale Prishtinë-Podujevë, më saktësisht në segmentin Prishtinë-Besi.
Në platformën e-Prokurimi është publikuar dokumenti i dhënies së kontratës nga Ministria e Infrastrukturës.
Kontrata iu dha grupit të operatorëve ekonomikë R&Rukolli dhe Bageri Sh.P.K.
Vlera e përgjithshme e kontratës është 419 mijë e 811 euro e 33 centë – e njëjtë me vlerën më të ulët dhe më të lartë të tenderëve të ofertuar.
As më shumë e as më pak ishte edhe vlera e parashikuar e kontratës, në thirrjen për tenderim.
Nga Prokurimi nuk është bërë e ditur kohëzgjatja e saktë e kontratës, teksa operatorët pritet të fillojnë punën së shpejti.
Kontrata e dhënë nuk ka mundësi të nënkontraktohet.
