Mbi 1,800 të prekur në Kosovë nga pandemia e COVID-19 dhe 754 raste aktive por qytetarët vazhdojnë të mos mbanë maska dhe pak pret tyre zbatojnë rekomandimet e institucioneve shëndetësore.
Disa prej këtyre qytetarëve thonë se moszbatimi i masave nga disa rrezikon shëndetin e të tjerëve.
Qytetari Çani Haliti mos batimin e rekomandimeve e sheh si pa përgjegjshmëri qytetare. Ai thotë se masat janë vendosur në të mirë të qytetarëve dhe për të mbrojtur shëndetin e tyre.
“Kuptohem mos batimi i rekomandimeve është një papërgjegjshmëri e masës. Çdo virus është i rrezikshëm dhe duhet të ruhemi nga ai, sidomos mosha më e vjetër. Por rinia duhet të kenë kujdes që të mos dëmtojnë të vjetrit”, thotë Haliti për RTV Dukagjinin.
Ndërsa Rexhep Kadriun po e shqetëson numri në rritje i të prekurve me COVID-19 në vendin tonë.
“Sigurisht na shqetëson pa masë numri në rritje i të prekurve në vendin tonë, pasi që kjo është pandemi e vështirë dhe një gjë e tillë po shihet edhe në realitet”, tha Kadriu përcjell Telegrafi.
Kurse për Tahir Hoxhën prania e madhe e njerëzve në vende publike është shqetësuese.
“Tubimet në vende publike dhe lokale e sidomos tani që po flitet edhe në dasma vetëm sa e keqësojnë gjendjen”.
Ndryshe Ministria e Shëndetësisë duke u bazuar në rekomandimet e IKSHPK-së ka nxjerrë një manual të obligueshëm se si duhet të mbrohemi nga virusi COVID-19.
