Burime të KALLXO.com brenda të Policisë së Kosovës kanë bërë të ditur se dy personat që sot u sulmuan fizikisht në Mitrovicën e Veriut janë nga Podujeva.

Ata sot u sulmuan në Mitrovicën e Veriut ndërsa Policia në një komunikatë për media theksoi se “viktimat janë sulmuar nga një grup kriminelësh” të cilët kanë qenë të maskuar dhe të organizuar për sulmin e kryer.

“Njësitet policore kanë intervenuar menjëherë për të parandaluar sulmin, përderisa personat e dyshuar kanë ikur në drejtime të ndryshme të qytetit të Mitrovicës Veri. Si pasojë e sulmeve dy viktimat kanë pësuar lëndime trupore dhe të njëjtit janë dërguar për trajtim mjekësor”- njofton tutje Policia.

Sulmin ndaj dy qytetarëve e ka dënuar edhe ministri i Punëve të Brendshme dhe kryetari i Mitrovicës së Veriut.

Sot KALLXO.com ka siguruar pamjet të momentit të sulmit ndaj tyre dhe sjell videon ekskluzive./kallxo.com