Përfaqësuesi i sulmuesit të Werder Bremen dhe Përfaqësueses së Kosovës, Milot Rashica, ka konfirmuar interesimin e klubeve të Ligës Premier dhe Bundesligës.
Sulmuesi i Kosovës ka treguar formë të lartë në dy sezonet e fundit dhe ka tërhequr interesim serioz nga Aston Villa dhe Liverpooli këtë sezon.
Njëri nga përfaqësuesit e Rashicës, Nek Capric, ndërsa po diskutonte planet e Napolit për klientin e tij, paralajmëroi italianët se ata nuk mund të rrinë kot nëse duan sulmuesin.
“Ka ndërmjetës që kanë krijuar kontakte midis palëve. Ne nuk jemi kontaktuar drejtpërdrejt, por ne dimë për interesin nga Napolin”, ka thënë fillimisht Capric për Radio Marte.
“Nëse Napoli dëshiron Milotin, ata duhet të nguten”.
Capric vazhdoi duke konfirmuar interesimin nga kampionati elitar gjerman dhe ai anglez për vushtrriasin.
“Në këtë moment të pezullimit të kampionateve ne tashmë jemi duke shikuar përreth”.
“Ka shumë interesim nga Liga Premier dhe Bundesliga”, përfundoi përfaqësuesi i yllit të Kosovës.
