Kryetari i Komunës së Podujevës, Shpejtim Bulliqi, e ka zyrtarizuar koalicionin qeverisës me PDK-në, duke emëruar dy drejtorë nga kjo parti, raporton Llapi.info.
PDK-ja, e cila tash i ka Kryetarin e Kuvendit të Podujevës, udhëheq edhe me Drejtorinë e Bujqësisë dhe atë të Administratës Publike.
Drejtor i Bujqësisë është emëruar ish-shefi i grupit të këshilltarëve të PDK-së, Fatmir Rudari. Kurse, në krye të Administratës është emëruar kandidatja për asambliste nga kjo parti, Antoneta Ejupi. Me këtë rast, PDK do të jetë pjesë e qeverisjes për herë të parë paslufte në Podujevë.
“Sot kemi mbajtur takimin e parë të Bordit të Drejtorëve, në të cilin kemi folur për punët e mëdha, projektet dhe detyrat që i kemi para vetës. Zotimet që i kemi dhënë para qytetarëve, do të jenë edhe puna e përditshme e jona. Si qeverisje lokale do t’ju qëndrojmë pranë atyre që kanë më së shumti nevojë, do të jemi të hapur, bashkëpunues e transparent me qytetarët, shoqërinë civile e mediat”, ka shkruar Bulliqi.
Tutje ka thënë se ekipi me të cilin do të punojë në katër vitet e ardhshme është ky:
Nënkryetare e Komunës: Marigona Lahu,
Drejtore e Drejtorisë së Administratës: Antoneta Ejupi,
Drejtor i Drejtorisë për Buxhet dhe Financa: Fatlum Osmani,
Drejtor i Drejtorisë së Arsimit: Avni Fetahu,
Drejtor i Drejtorisë së Shëndetësisë dhe Mirëqenies Sociale: Driton Veliu,
Drejtor i Drejtorisë së Shërbimeve Publike, Mbrojtje dhe Shpëtim: Bahri Selimi
Drejtore e Drejtorisë së Pronë, Kadastër dhe Gjeodezi: Bahrie Shatrolli Mehmeti,
Drejtor i Drejtorisë së Bujqësisë, Pylltarisë dhe Zhvillimit Rural: Fatmir Rudari,
Drejtor i Drejtorisë së Inspeksionit: Besnik Mulliqi,
Drejtor i Drejtorisë për Kulturë, Rini dhe Sport: Pajtim Balaj,
Drejtor i Drejtorisë për Planifikim dhe Zhvillim Ekonomik: Vigan Salihu.
Kryetari i Podujevës ka shkruar se ekzekutivi shpejt do të plotësohet edhe me drejtorin e Drejtorisë për Planifikim Urban dhe Mbrojtje e Mjedisit./Llapi.info
