Një ngjarje tragjike tronditi Brazilin, ku një baba kreu vrasje-mbytje në familjen e tij, duke vrarë dy fëmijët dhe më pas vetëvrasje, pas zbulimit të tradhtisë së gruas.
40-vjeçari Thales Machado, një zyrtar i lartë lokal, qëlloi dy djemtë e tij, 12 dhe 8 vjeç, pasi kishte parë një video që tregonte gruan e tij, Sara Tinoco Araujo, duke u puthur me një burrë të panjohur në një restorant.
Machado, i cili dyshonte për besnikërinë e gruas dhe kishte angazhuar një detektiv privat, pasi pa videon, u kthye në shtëpi me armë në duar dhe qëlloi ndaj djemve të tij, përpara se të vriste veten.
Sipas mediave lokale, disa orë para tragjedisë, Machado kishte postuar një foto ku mbante një nga djemtë në krahë, me mbishkrimin: “I bekuar nga Zoti që ju kam, babi ju do shumë”.
Ngjarja ka tronditur komunitetin dhe autoritetet po hetojnë rrethanat e sakta të kësaj tragjedie familjare.
