Ka përfunduar takimi i kryetarëve të Komunave të Kosovës me ministrin e Shëndetësisë, Arben Vitia, ku u diskutua lidhur me masat e reja anti-COVID.
Asociacioni i Komunave të Kosovës ka bërë të ditur përmes një njoftimi për medie se Vitia informoi kryetarët e Komunave me propozim masat e reja që pritet të hyjnë në fuqi pas datës 27shtator 2021.
Një ndër masat që pritet të hyjë në fuqi që nga e hëna është edhe lejimi i punës brenda lokaleve të gastronomisë për personat që ofrojnë dëshmi të vaksinimit ose teste negativ për COVID-19.
Në njoftim bëhet e ditur se kjo nuk vlenë për ambientet e jashtme të gastronomisë.
Masat që pritet të hyjnë në fuqi janë:
– Mësimi në të gjitha nivelet e arsimit parauniversitar do të fillojë me datën 27 shtator ku në klasa nuk do të lejohen më shumë se 20 nxënës. Në klasat me më shumë se 20 nxënës, mësimi mbahet në dy grupe.
– Institucionet do të punojnë me kapacitete të plota, personeli duhet të ofrojë dëshmi të vaksinimit ose teste përkatëse.
– Kufizimi i lëvizjes vazhdon të mbetet i njejtë, nga ora 22:00 – 05:00h.
– Gastronomia do të vazhdojë me të njejtin orar. Lejohet puna brenda lokaleve për personat që ofrojnë dëshmi të vaksinimit ose teste përkatëse. Kjo nuk vlenë për ambientet e jashtme të gastronomisë.
– Personeli i sektorit Publik dhe privat, të cilët kanë punë me palë, duhet të janë të vaksinuar ose të ofrojnë dëshmi për testet relevante.
