Bilanci ditor i pandemisë nga koronavirusi i ri është regjistruar në rritje sot në Spanjë, pas katër ditëve në rënie, me 743 të vdekur duke e çuar numrin total në 13.798 te vdekur, sipas shifrave të Ministrisë së Shëndetësisë.
Numri i rasteve të shpallura në 24 orë, siç transmeton atsh raportimet, është rritur gjithashtu me 4,1% nga 3,3% një ditë më parë, duke arritur në 140.510 të infektuar në vendin më të goditur nga COVID-19 pas Italisë.
Megjithatë ekspertët e ministrisë zbuluan se javën e kaluar rastet dhe të vdekurit në fundjavë ishin regjistruar me vonesë, gjë që shpjegon dhe lakoren në rritje në fillim të javës/AFP.
