Të dielën në mbrëmje ka ndodhur edhe një vjedhje në rrjetin e dyqaneve të Viva Fresh Store në Prishtinë. Plaçkitja është kryer nga disa persona të armatosur, ndërkaq, Express ka siguruar foto nga momenti i arrestimit të të dyshuarve.
Disa persona të armatosur ja kishin mësyrë dje dyqaneve të Viva Fresh në Prishtinë. Rastin e ka konfirmuar Policia e Kosovës.
“Rreth orës 21:30 kemi pranuar informatën për një grabitje të armatosur e cila ka ndodhur në një market ne rrugen Isa Kastrati ne Prishtine”, ka thënë zëdhënësja e Policisë, Flora Ahmeti.
“Menjëherë në vendin e ngjarjes kanë dalë të gjitha njësitet e nevojshme policore, të cilët po merren me rastin”, ka bërë të ditur Ahmeti.
Ndërkaq, në fotografitë e fundit që ka siguruar Express shihet momenti kur policia ka arrestuar të dyshuarit.
Kjo nuk është hera e parë që grabitet ky rrjet dyqanesh.
