Mërgimtari Bajram Mulliqi nga Abria e Epërme e Drenasit ka ardhur nga Gjermania për ta punuar tokën në vendlindje.
Ai po bënë përgatitjet e fundit para se ta hedh farën e misrit në fund të prillit.
Bajrami me plotë optimizëm thotë se toka duhet punuar dhe se në vjeshtë planifikon të mbjellë edhe sipërfaqe me grurë.
“Kam vendosur që krahas punës që bëjë në Stuttgart të Gjermanisë, të merrem me bujqësi edhe në Kosovë. E di që pak do të jetë e vështirë por me mund do ja dal”, ka thënë Bajrami për drenicaonline, duke apeluar tek të gjithë qytetarët që ta punojnë tokën.
Rritja e çmimit të grurit ka ngjallur interesim të madh të bujqve anembanë vendit që të merren me kultivimin e tij.
Rikujtojmë se këtë vit edhe subvencionet janë rritur nga qeveria dhe tashmë nuk ka arsyeje të mëdha që tokat të mbesin djerrinë.
