Mbrëmë janë konfirmuar 58 raste të reja me COVID-19. Rastet pozitive janë nga Fushë Kosova, Prishtina, Mitrovica, Vushtrria, Prizreni dhe Rahoveci.
Me këtë shifër, numri i rasteve me këtë sëmundje në vend ka shkuar në 1 mijë e 384. Prej tyre, raste aktive janë 432, 71 nga të cilat në Komunën e Prishtinës.
Instituti Kombëtar i Shëndetit Publik mbrëmë ka bërë me dije se në javën e fundit ka shfaqje të rasteve pozitive në mesin e punëtorëve të organizatave si: Posta e Kosovës, KEK, KEDS, Galeri e arteve, institucione bankare, shëndetësore, agjensione, kompani tregëtare dhe biznese private.
Sipas këtij institutucioni, pakujdesia mund të shtojë rrezikun e përhapjes.“Pakujdesia e disa qytetarëve gjatë këtyre aktiviteteve, mund të shtojnë rrezikun e përhapjes së infeksionit përderisa virusi SARS-COV-2 është prezent dhe kështu mund të mbingarkohet sistemi shëndetësor me pasoja të pa parashikuara deri në shpërthim e që mund të paraqes rrezik për jetën e qytetarëve.
