Ka nisur festa e madhe rrugëve të qytetit të Podujevës pas fitores së Llapit në finale të Kupës së Kosovës, raporton Llapi.info.
Dhjetëra qytetarë kanë dalë për të festuar këtë trofe, i cili është i pari për ekipin e Llapit.
Llapi e ka fituar Kupën pas ekzekutimit të penalltive 4:3, derisa koha e rregullt dhe ajo dy herë nga 15 minuta përfundoi baras.
Me triumfin në Kupë, ekipi nga Podujeva ka siguruar edhe daljen në Evropë, përkatësisht në Ligën e Konferencës.
Për Llapin është hera e parë që fiton Kupën e Kosovës, e cila u ngrit lartë nga lojtarët dhe stafi i klubit nga “Zahir Pajaziti”./Llapi.info