Liverpooli ka bërë përmbysjen e madhe duke eliminuar Barcelonën në gjysmëfinale të Ligës së Kampionëve.
Skuadra e Jurgen Klopp mposhti spanjollët me rezultat 4-0 dhe siguroi biletën e parë për finalen e madhe që zhvillohet në Madrid.
Edhe pse në disavantazh prej 3-0, “Reds” besuan deri në fund duke i dhënë goditje të madhe Barcës.
Golin e parë Liverpooli e arriti në minutën e 7-të me golin e Origi që hapi shpresat e skuadrës.
Në pjesën e dytë në lojë u inkuadrua Wijnaldum që doli të jetë vendimtar.
Ai arriti të shënoj dy gola për dy minuta për të barazuar rezultatin e përgjitshëm. Ai shënoi në minutën e 54-të dhe minutën e 56-të.
Golin vendimtar e shënoi Origi në minutën e 79-të.
Në finale, Liverpool do të pres fituesin e ndeshjes së nesërme në mes të Ajaxit dhe Tottenhamit. /IndeksOnline
