Personi në foto është Jetmir Uta, 24 vjeç, punonjës policie në Dibër, i arrestuar nga Agjencia e Mbikëqyrjes Policore (AMP) nën dyshimin për kryerjen e marrëdhënieve seksuale me dhunë ndaj një të riu dhe shpërdorim detyre.
Hetimet nisën pas kallëzimit të qytetares me inicialet L.H., 19-vjeçe e cila deklaroi se punonjësi e kishte detyruar nëpërmjet shantazhit dhe kërcënimit, duke ushtruar presion që ajo të mos kallëzonte ngjarjen.
Punonjësi i policisë, i cili në kohën e kryerjes së veprës ushtronte detyrën “Ndihmës/Specialist i Patrullës së Përgjithshme”, ishte larguar drejt Kosovës, por u ndalua nga AMP gjatë rikthimit në territorin shqiptar. Sipas hetimeve, ai gjithashtu kishte kanosur viktimën për të mos bërë kallëzim në polici. Materialet proceduriale shtesë përfshijnë edhe dy persona të tjerë të dyshuar për “Kanosje për të mos kallëzuar” dhe “Përkrahje të autorit në krim”.
AMP njoftoi se hetimet me metoda speciale treguan përfshirjen e 24-vjeçarit në veprat penale “Marrëdhënie seksuale me dhunë me të rritura” dhe “Shpërdorim i detyrës”, ndërsa procedurat ligjore vijojnë për dokumentimin e plotë të ngjarjes dhe identifikimin e të gjithë të dyshuarve të tjerë të përfshirë.
Nderkohë për JOQ, një qytetar shkruan: “Pse nuk tregojnë që ky ishte shofer i zv/drejtorit të Krimeve në Drejtorinë Dibër? Ju them unë, informacion i sigurt, pyesni edhe burim tjetër. Pak ditë pas skandalit është larguar nga pozicioni i shoferit të zv/drejtorit dhe është rikthyer tek patrulla, pasi ka qenë agjent krimesh. Ngjarja ka ditë që ka ndodhur. Mos gaboj 15-18 nëntor.”
