Në qytetin e Gjilanit, një person, i cili po drejtonte një motoçikletë, ka humbur jetën në një aksident ku është përfshirë edhe një automjet.
Bëhet fjalë për të riun 26-vjeçar Debatik Huruglica nga Gjilani.
Ai drejtonte motoçikletën kur është përplasur me një automjet në rrugën “Halim Orana” në qytetin e Gjilanit.
Rastin e vdekjes e ka konfirmuar edhe drejtori i Spitalit të Gjilanit, Nisret Hajrullahu.
“Është sjellë në spital pa shenja jete”, ka thënë ai.
