Kryeministri në detyrë i Kosovës, Albin Kurti ka thënë se rivalët e tij politikë po i frikësohen pasi që ata mendojnë se i di të gjitha të bëmat e tyre sa i përket shpërdorimit dhe keqmenaxhimit, por edhe korrupsionit.
Ai ka thënë se për këtë ata frikësohen pasi që një ditë edhe mund të shkojnë në burg për këto çështje.
“Di shumë për korrupsionin e tyre, por kjo nuk varet prej meje, por prej prokurorisë. Ne e filluam edhe procesin e Vettingut. Por ndoshta është edhe qëndrimi ynë karshi bordeve të ndërmarrjeve publike dhe kanë frikën se do të diskreditohen dhe do t’iu duhet që një ditë të shkojnë edhe në burg”, ka thënë Kurti në Debat Plus të RTV Dukagjinit.
