Kryeministri i Kosovës, Albin Kurti, ka bërë publike disa statistika të Balkan Barometer ’22, ku dokumentohet se qytetarët e Kosovës kanë besim të plotë ose të paktën kanë tendencë të i besojnë Qeverisë.
Në këto të dhëna, figuron se besimi i qytetarëve të Kosovës ndaj Qeverisë ka pësuar rritje. Derisa në vitin e kaluar, besueshmëria ishte në 26 përqind, në vitin 2022 ka mbërritur në 68 përqind.
Kryeministri Kurti është krenuar me këtë arritje, derisa tha se niveli i besueshmërisë së qytetarëve ndaj pushtetit në Kosovë është më i madhi në rajon.
“Besimi në qeveri dhe në sundim të ligjit janë të domosdosshmw për prosperitetin ekonomik të vendit. Të dhënat e Balkan Barometer ’22 tregojnë se besimi i qytetarëve të Kosovës në Qeveri dhe sundim të ligjit, jo vetëm që është përmirësuar dukshëm, por është më i larti në rajon, bashkë me besimin në perspektivën ekonomike”, shkroi Kryeministri në Twitter.
Trust in government & in the rule of law are vital for economic prosperity. Balkan Barometer '22 data shows that 🇽🇰citizens' trust in their government & in rule of law has not only significantly improved but is the highest in the WB6, along w/ confidence in economic outlook. pic.twitter.com/p99Skj8kHa
— Albin Kurti (@albinkurti) July 21, 2022
