Kryeministri i Republikës së Kosovës, Albin Kurti, ka uruar besimtarët myslimanë me rastin e Festës së Kurban Bajramit.
Përmes një postimi në rrjetin social Facebook, Kurti ka thënë se në këtë ditë rikujtojmë mësimet hyjnore për t’u treguar bujarë e zemërgjerë, sidmos me skamnorët, jetimët, të dobëtit dhe të vetmuarit.
“Uroj që kjo festë të sjellë paqe e lumturi në zemrën e secilit e solidariteti të jetë udhërrëfyes i përhershëm”, shkroi ai në Facebook.
Postimi i plotë i kryeministrit:
Besimtarët myslimanë sot festojnë Kurban Bajramin, festën e sakrificës.
Me synim tjetrin e jo veten, në këtë ditë rikujtojmë mësimet hyjnore për t’u treguar bujarë e zemërgjerë, sidomos me skamnorët, jetimët, të dobëtit dhe të vetmuarit.
Uroj që kjo festë të sjellë paqe e lumturi në zemrën e secilit e solidariteti të jetë udhërrëfyes i përhershëm.
Gëzuar e me fat Kurban Bajrami!
