Kryeministri i Kosovës, Albin Kurti, nesër do të vizitojë komunën e Podujevës, raporton Llapi.info.
Kurti do të jetë prezent së bashku me ministren e Arsimit, Arbërie Nagavci. Kështu ka njoftuar kumtesa komunale, ku është bërë e ditur se nesër do të përurohen një palestër sportive, një shkollë dhe do të vihet gurthemeli për një shkollë tjetër.
Njoftimi plotë:
Të enjten me datë 08.09.2022, do të vihet gurthemeli i shkollës në fshatin Llugë, do të përurohet palestra e sporteve dhe shkolla e re në fshatin Batllavë.
Në shënim të këtyre ngjarjeve do të marrin pjesë: Kryetari i Komunës, Shpejtim Bulliqi, Kryeministri i Kosovës, Albin Kurti dhe Ministrja e Arsimit, Shkencës, Teknologjisë dhe Inovacionit, Arbërie Nagavci.
Itinerari i shënimit të këtyre ngjarjeve:
Gurthemeli i shkollës në Llugë – 08:00
Përurimi i palestrës sportive në Batllavë – 08:30
Përurimi i shkollës në Batllavë – 09:00
Ftojmë mediat të përcjellin shënimin e këtyre ngjarjeve!
