Policia ka njoftuar se sot rreth orës 09:40, nga Njësiti i hetimeve të Trafikut Rajonal të Prishtinës, është identifikuar personi dhe automjeti që ka qenë i përfshirë në aksidentin e ndodhur dje në rrugën Prishtinë-Fushë Kosovë, ku është lënduar rëndë një këmbësore.
Fillimisht nga hetuesit është përcjellur automjeti i dyshuar, derisa ka arritur në një autoservis në Çagllavicë.
I dyshuari është arrestuar, ndërsa vetura e tij e dëmtuar, e tipit Opel Corsa, është konfiskuar.
“Pas përfundimit të procedurave të nevojshme policore, rasti do të përcillet në koordinim me prokurorin e shtetit” thuhet në njoftimin e policisë.
Kujtojmë se ditën e djeshme, një këmbësore ka pësuar lëndime të rënda pasi u godit nga një veturë në aksin Prishtinë-Fushë Kosovë.
