Këshilltari i ministrit Bytyqi, Valmir Gashi, është shprehur optimist për renditjen e Kosovës në testin PIA për këtë vit.
Ai ka marrë pjesë në Bordin Drejtues të Programit për Vlerësimin Ndërkombëtar të Nxënësve (PISA) që u mbajt në Australi.
Gashi shkroi se Kosova pritet këtë vit të renditet më mirë në testin PISA sesa që ishte në vitin 2015.
Postimi i plotë i tij:
Momente nga takimi i Bordit Drejtues të Programit për Vlerësimin Ndërkombëtar të Nxënësve (PISA), që për disa ditë u mbajt në qytetin e bukur Adelaide, në jug të Australisë.
Falë përkushtimit të ministrit Bytyqi, angazhimit të MAShT, komunave dhe vetë shkollave, Kosova pritet të renditet shumë më mirë sesa në PISA 2015.
