Prokuroria Themelore në Gjakovë, ka paraqitur kërkesë në Gjykatën Themelore në Gjakovë-Dega në Rahovec, për caktimin e masës së paraburgimit kundër të pandehurit B.M., nga Komuna e Rahovecit, për shkak se i njëjti me dashje ka sulmuar fizikisht bashkëshorten e tij S.S.
Rasti ka ndodhur në shtëpinë e tyre, ku pas një mosmarrëveshjeje, i pandehuri kishte sulmuar fizikisht të dëmtuarën S.S., duke e goditur me grushte e shuplaka në kokë dhe në pjesë të trupit, duke i shkaktuar kështu lëndime të lehta trupore.
Sipas prokurorisë, me këtë ekziston dyshimi i bazuar se i pandehuri B.M., ka kryer veprën penale “lëndim i lehtë trupor.
Prokurori i rastit ndaj të pandehurit, ka kërkuar masën e paraburgimit në afat prej 30 ditësh.
