Deputeti i Partisë Demokratike të Kosovës në Kuvendin e Republikës së Kosovës, Enver Hoxhaj, ka marrë sot dozën e dytë të vaksinës anti-COVID.
Përmes një postimi në rrjetin social Facebook, Hoxhaj ka thënë se vaksinimi është bërë obligim i secilit prej nesh, duke bërë thirrje tek mësimdhënësit që të vaksinohen.
“Po afrohet 1 Shtatori. Ftoj të gjithë mësimdhënësit të vaksinohen! Është në interes të tyre, të nxënësve, studentëve e familjeve të tyre!”, ka shkruar ai.
Ndryshe, MSH bën të ditur se prej fillimit të vaksinimit në të gjitha qytetet e Kosovës janë dhënë 601.701 doza të vaksinës.
Deri më sot 213 mijë e 279 qytetarë janë vaksinuar me dozën e dytë.
Ky është postimi i plotë i Hoxhajt:
E mora dozën e dytë të vaksinës! Vaksinimi tashmë është bërë obligim i secilit prej nesh. Po afrohet 1 Shtatori. Ftoj të gjithë mësimdhënësit të vaksinohen! Është në interes të tyre, të nxënësve, studentëve e familjeve të tyre!
Të mbrojmë së bashku njëri – tjetrin!
