M.P. 29 vjeçar nga Podujeva, i burgosur në burgun e Prokupljes në Serbi u ka ikur sot gardianëve gjatë daljes nga spitali i Nishit, ku ishte dërguar për kontroll pas intervenimit kirurgjik të cilit i ishte nënshtruar vitin e kaluar.
”Pas operacionit, i burgosuri ka qenë në më shumë se 20 vizita kontrolluese. Sot, në orën 09:55 në mëngjes, ishte nën përcjelljen e dy pjesëtarëve të sigurimit të burgut të Prokupljes dhe duart i kishte të prangosura. Komandantët e policisë ishin duke e mbajtur për dore mirëpo në momentin kur njëri prej tyre e kishte hapur derën e automjetit policor, M.P. e kishte shtyer komandantin tjetër policor dhe kishte filluar të vraponte përmes bulevardit në drejtim të një lagje të banuar. Gjykata ia kishte lejuar të telefononte nga burgu, gjë të cilën supozohet se ai e kishte shfrytëzuar për ta organizuar ikjen spektakolare”, shkruan gazeta serbe “Blic”.
Siç shkruan gazeta serbe, 29 vjeçari është arrestuar për një vjedhje të rëndë.
Rastin për arratisjen e të dyshuarit e kanë konfirmuar edhe Policia dhe se hetimet janë duke vazhduar./Klan Kosova
