Një rast shqetësues kanosjeje ka ndodhur në Lipjan, ku një grua ka raportuar se është kërcënuar dhe filmuar nga një person i dyshuar, duke e ofenduar me fjalë të rënda. Ky incident ka ngritur shqetësime për sigurinë e individëve në komunitet dhe ka bërë që autoritetet ta trajtojnë rastin me seriozitet.
Sipas burimeve të Sinjalit, më 13 maj 2025, rreth orës 22:15, është paraqitur në Polici pala ankuese S.K.B., rreth 38-vjeçare, e cila ka deklaruar se dy vajza e kanë njoftuar se i dyshuari Patrik Nuhiu, rreth 24-vjeçar, kishte hyrë në oborrin e saj dhe kishte filluar ta xhironte me telefon, ndërsa e kërcënonte verbalisht.
Pas raportimit, më 16 maj, Njësia e Hetimeve ka intervistuar të dyshuarin, dhe në konsultim me Prokurorin kujdestar, është marrë vendim që i njëjti të ndalohet për 48 orë.
Rasti është iniciuar si “Kanosje”, ndërsa hetimet janë në vazhdim.
