Sot është hapur xhamia e re në rrugën “Xhemajl Mustafa” në Podujevë, ku me këtë rast është falur edhe namazi i drekës, i udhëhequr nga imami i emëruar zyrtarisht nga Bashkësia Islame e Republikës së Kosovës, mr. Eset Qerimi.
Hoxhë Eset Qerimi është përzgjedhur imam i kësaj xhamie përmes një konkursi publik, në të cilin mori shumicën e votave në procesin e përzgjedhjes. Emërimi i tij gëzoi gjithashtu përkrahjen dhe mirëpritjen e banorëve të lagjes ku është ndërtuar xhamia, si dhe të banorëve të rrethinës.
Këshilli i Bashkësisë Islame në Podujevë i uron të gjithë banorët për xhaminë e re, duke e konsideruar atë një pasuri të çmuar për jetën fetare dhe shoqërore të kësaj zone.
Këshilli i Bashkësisë Islame – Podujevë
Shkrimi i plotë pa ndërhyrje:
N J O F T I M
Hapet xhamia e re në rrugën “Xhemajl Mustafa”, Podujevë
Sot u bë hapja e xhamisë së re në rrugën “Xhemajl Mustafa”, me ç’rast u fal edhe namazi i drekës, i udhëhequr nga imami i emëruar zyrtarisht nga Bashkësia Islame e Republikës së Kosovës, mr. Eset Qerimi.
Hoxhë Eset Qerimi është përzgjedhur imam i kësaj xhamie përmes një konkursi publik, në të cilin mori shumicën e votave në procesin e përzgjedhjes. Emërimi i tij gëzoi gjithashtu përkrahjen dhe mirëpritjen e banorëve të lagjes ku është ndërtuar xhamia, si dhe të banorëve të rrethinës.
Këshilli i Bashkësisë Islame në Podujevë i uron të gjithë banorët për xhaminë e re, duke e konsideruar atë një pasuri të çmuar për jetën fetare dhe shoqërore të kësaj zone.
Lusim Allahun e Madhëruar që këtë xhami ta bëjë vatër të përhershme të adhurimit, të dijes, të edukimit dhe të bashkimit; vend ku kultivohet besimi, forcohen lidhjet ndërmjet njerëzve dhe përcillet fryma e atdhedashurisë.
Allahu e bëftë të begatë këtë xhami dhe i shpërbleftë me të mira të gjithë ata që kontribuuan në ndërtimin e saj!
Këshilli i Bashkësisë Islame – Podujevë
